عمرو راضي يتصدر التريند بعدما فاجئ حبيبته بخطبتها داخل السينما

تصدر البلوجر عمرو راضي تريند محركات البحث عبر جوجل، وذلك بعدما أعد مفاجأة وتقدم لخطبة حبيبته عارضة الازياء هدير النحاس داخل السينما في وجود عدد من الأصدقاء أبرزهم المصور الشهير أنتيكا.

تحيا مصر يرصد تقدم عمرو راضي لخطبة حبيبته.

عمرو راضي يفاجئ حبيبته

وكتب عمرو راضي عبر خاصية استوري بحسابه الرسمي عبر موقع تبادل الصور والفيديوهات القصيرة إنستجرام: كنت مخبيكي في قلبي زي الطفل اللي جاتله هدية..النهاردة أنا أسعد إنسان في الكون، اول مرة في حياتي من أول ما بقيت مسؤول عن نفسي ولیا کیان وشخصية واهتمامات ومسؤولية.. أنسى العالم كله وأنسى أنا مطلوب مني إيه ورايح فين وجاي منين.. لمجرد باصص في عنيكي همومي ومشاكلي وكل حاجة وقعت قدامك.

وأضاف: كلامي مش مترتب زي أول مرة شفتك فيها صدفة.. حالة من السكون.. مش سامع فيها غير صوت قلبي، دي اللي بحلم بيها، أنا فاكر كل تفصيلة.. عيونك.. ضحكتك.. كسوفك.. وجاي النهاردة أقولك بحبك، بحبك أوي والله، وعايز أغرقك حب الدنيا كله، ياريت أشوف الدنيا كلها زي ما شايفها ف عينك كده، حلوة وأيوا إنتي أحلى واحدة شافتها عيني.

القبض على عمرو راضي

وكانت انتشرت العديد من الأنباء التي تفيد بالقبض على عمرو راضي، وذلك بسبب تهمة التورط في قضايا نصب مع بلوجر شهيرة.

وأثار الجدل بسبب حضوره افتتاح أحد المحلات في محافظتي سوهاج وأسيوط، حيث أشعلت الصورة المنتشرة للبلوجر عمرو راضي، موقع التواصل الاجتماعي تويتر، ضد تصرف بعض بنات سوهاج وأسيوط.

الصور المنتشرة لـ اليوتيوبر عمرو راضي، كانت في شارع القاعات في محافظة سوهاج، وشارع النميس في محافظة أسيوط، وحوله عدد كبير من بنات المحافظة، ما أثار موجة غضب ضدهن، وقال أحد المغردين: أهالي سوهاج وأهالي أسيوط معلش لو مفيهاش إساءة أدب مني ياريت تتعبوا وتربوا بناتكم من جديد عشان تقريباً اهتميتوا بجمع الفلوس ونسيتوا تربوهم.. حقيقي منظر البنات ف شارع القاعات ف سوهاج وحاليا بشارع النميس بأسيوط وهي بتجري ومتلزقة  عمرو راضي ولا كأنه جوزهم حاجه تقرف بالمعنى الحرفي

أزمة عمرو راضي الصحية

على الصعيد الآخر، أصيب اليوتيوبر عمرو راضى، فى فقرات ظهره "ديسك الظهر"، خلال الفترة الأخيرة التى أعقبت وفاة صديقه مصطفى حفناوى، وفقا لما أعلنه صديقه اليوتيوبر أيضا إسلام طارق، الذى أوضح أن إصابته وحالته النفسية هى سبب اختفاءه منذ وفاة صديقه.

ونشر طارق، عبر حسابه على انستجرام، صورة لراضى، وهو يسير مستندا على "عكاز"، صحبها بتعليق: "للناس اللى بتسألنى عن عمرو راضى ..شايفين ! ماشى بعُكاز والله، ربنا ما يورينى حاجة وحشه فى صُحابى.. الدكتور بيقوله ده ديسك ولازم ترتاح، قلبى واجعنى عليه والله، فُراق الحبايب بيكسر ولاد الأصول.. بجد مش كلام".