زينة عن مسلسل حضرة المتهم أبي: أول ما شوفت نور الشريف جريت.. وكنت هبلة ومسكوها طبلة

حلت الفنانة زينة ضيفة برنامج صاحبة السعادة مع الإعلامية إسعاد يونس وتحدثت عن تفاصيل مشاركتها في مسلسل حضرة المتهم أبي مع الفنان نور الشريف. 

تحيا مصر يرصد لكم تصريحات زينة 

زينة: نور الشريف كان بيقولي على الجوايز اللي هاخدها بالأسامي 

وقالت زينة: في مسلسل حضرة المتهم أبي، نور الشريف قالي نفسي ابقى بنت عشان اعمل دورك، وخدت فيه جوايز كتير. 

وتابعت زينة: ونور الشريف كان بيقولي اسماء الجوائز وقولت الراجل بيقولي كده عشان اعمل الدور كويس ومكنتش حاسه، كنت في أولى جامعة وكنت عاملة ظاظا وسيد العاطفي والدنيا بدأت تتفتح بعد العمل مع نور الشريف. 

زينة: رباب حسين اللي رشحتني للدور.. ونور الشريف مكنش موافق عليا الأول

وعن تفاصيل مشاركتها في المسلسل من البداية قالت زينة: أنا كنت جريئة وقتها واللي رشحتني الاستاذة رباب حسين وبنتها صحبتي وكانت بتشوفني دايمًا عندها في البيت وصاحبتي وقالتلي انا مرشحاكي وبعد يومين قالتلي نور مش موافق عليكي خالص، روحت قولتلها على فكرة بيمثل وحش وأنا مش من جمهوره ده المفروض يفرح وكنت هبلة ومسكوها طبلة. 

زينة: أول ما شوفت نور الشريف جريت 

وأضافت زينة: فـ نور الشريف قالها زينة اللي بتلبس ماركات هتعمل الدور ده؟ وأول يوم تصوير كنت هموت واعمل الدور حلو وكنت داخلة ولا كأني نجلاء فتحي ودخلت البلاتوه فـ روحت معيطة وطلعت اجري. 

واستكملت زينة كلامها: وهو اللي جري ورايا قولتله انا اسفه انا مبعرفش امثل وعبيطة ومتاخدش على كلامي، راح قالي انتي لو مكنتيش خوفتي انا كنت همشيكي وقالي يلا عشان ندبح العجل، كان بيساعدني وبيذاكرلي ويسمعلي ويتكلم معايا ووقت الفطار ينده عليا. 

تفاصيل مسلسل حضرة المتهم أبي بطولة نور الشريف وزينة 

وتدور قصة مسلسل حضرة المتهم أبي حول “عبد الحميد دراز” مدرس اللغة العربية في مدرسة ثانوية والذي يحظى بحب الطلبة و الطالبات بالمدرسة، وتتـطور الأحداث عندمـا يتعرض إبنـه لاعـتداء من بعض الشبـاب المنحل في النـادي، ويتدخل أهل الشباب ﻹجبار عبدالحميد وابنه على التنازل عن المحضر، لتتصاعد الأحداث.