شهيرة تكشف السبب وراء ابتعادها عن الفن: كنت محتاجة أقرب من ربنا أكتر

كشفت الفنانة شهيرة عن السبب وراء ابتعادها عن الفن في فترة تألقها، وذلك خلال حوارها اليوم ببرنامج “مساء دي إم سي” مع الإعلامية إيمان الحصري.

تحيا مصر يرصد تفاصيل السبب وراء ابتعاد شهيرة عن الفن

حيث قالت شهيرة: “كان عندي ظروف، محمود وكدا، وبعد كدا مبقاش ليا مزاج.. أنا بحب مهنتي وبعتز بيها، وأصلا دي دراستي أنا مليش شغلانة تانية، وأنا أصبحت مودية أوي، ومش في أي وقت حتى أحب أعمل انترفيو، ومش في أي وقت أقدر أرجع، وغذا رجعت هيبقى فيه عندي تحفظات كتير، وزمان غير دلوقتي”.

ابتعاد شهيرة عن الأضواء

وتابعت: “أنا نفسي أرجع بس مش سهل، من ناحية أني قلاقي موضوع مناسب، بعد الفترة الطويلة أوي دي أنا هقدم أيه، وأنا بقالي سنين كتيرة أوي بعيد”.

واضافت: “الفترة اللي أنا سيبت فيها الفن دي كانت أهم مرحلة عندي، كانت فترة التألق، بس يمكن جيت في فترة كنت محتاجة أقرب من ربنا أكتر، عشان أنا بحب شغلي أوي وبياخد كل وقتي وكل تفكيري، فكان بيتهيألي أن دا واخدني من أني أتقرب من ربنا أكتر، حسيت أني مش عاملة الواجب اللي يرضي ربنا”.

واختتمت حديثها قائلة: “وأنا مش ندمانة، أنا قربت من ربنا أكتر، وعرفت حاجات كتيرة أوي أنا مكنتش واخدة بالي منها، حتى في العلاقات الإنسانية، مش مسألة بحفظ قرآن، لأن زي ما كلنا عارفين، الدين معاملة”.

أخر أعمال شهيرة

الجدير بالذكر ان أخر أعمال الفنانة شهيرة هي مشاركتها في مسرحية "مصر فوق كل المحن"، 2014، والتي كانت من بطولة إيهاب توفيق، شذى، عمرو محمود ياسمين، مي كساب، لطفي لبيب، إلهام شاهين، تأليف وإخراج أسامة عشم.

ودارت أحداث المسرحية حول أوبريت غنائي يوصل رسالة واضحة وحقيقية لإتحاد عناصر، الأمة المصرية من مسلمين ومسيحيين من أجل الوصول بمصر الوطن إلى أرض الأمان وتجاوز كل المحن، وهي رسالة لطمأنة شعوب العالم على استتاب الأمن بمصر وكامل وحدته.