هلا رشدي تهنئ المايسترو محمد عثمان بعيد ميلاده: على إيده اكتشفت في صوتي أماكن كتير

حرصت الفنانة هلا رشدي على تهنئة المايسترو محمد عثمان بعيد ميلاده، وذلك من خلال منشور عبر حسابها الشخصي على موقع التواصل الاجتماعي "فيسبوك".

تحيا مصر يرصد تفاصيل أحدث منشورات هلا رشدي عبر فيسبوك

تهنئة هلا رشدي للمايسترو محمد عثمان

حيث نشرت صورة تجمعها به، وعلقت عليها قائلة: "النهاردة عيد ميلاد الطاقة الفنية، الدماغ الألماظ، صاحب النظرة الثاقبة، اللي خرجني من السوشيال ميديا لأرض الواقع على المسارح والتلفزيون".

وتابعت: "اتعلمت منه كتير، وعلى إيده اكتشفت في صوتي أماكن كتير ما كنتش أعرف أنها موجودة.. في عيد ميلادك أحب أقولك كل سنة وأنت بصحة وعافية وسلامة وستر، وربنا يزيدك إبداع وفن وشطارة وعبقرية ويديك على قد تعبك وإخلاصك للفن .. شكراً يا حبيبي على كل حاجة".

هلا رشدي توجه رسالة شديدة اللهجة للجمهور

وفي وقت سابق، أعربت الفنانة هلا رشدي عن استيائها الشديد من تشبيه أفعال الناس بالمهن المتواضعة، وذلك من خلال منشور عبر حسابها الشخصي على موقع التواصل الاجتماعي “فيسبوك”.

حيث كتبت: “بعد إذنكم.. لو سمحتم.. أرجوكم.. بطَّلوا تشبهوا فعل ناس، بناس تانية بِمِهَن متواضعة.. مع احترامي وحبي لكل الناس اللي هذكرها في أمثلة دلوقتي وامتناني وتقديري لخدماتهم الجليلة.. أنا بعتذرلكم لكن وجب التوضيح”.

هلا رشدي: خدوا بالكم من كلامكم حتى في الهزار

واضافت: “١- حد بيتكلم بطريقة غريبة فنقول : إيه الفلح ده !! أنت فلاح يا ابني!! أنت بتتكلم كده ليه؟؟، ٢- حد لابس لبس مش لايق على بعضه، أو غريب وشكله مبهدل فنقول واحنا بنضحك بكل استظراف: شكلك شبه ولاد البوابين!!.. ٣- لما حد يكلمك بطريقة مش حلوة، فتقوله: أنت فاكرني شغال عندك (ليه يا أخويا احنا مسموحلنا نتكلم مع الناس اللي بتساعدنا بطريقة مش محترمة ولا إيه !!) ……. إلخ”.

واختتمت المنشور قائلة: "“ليه الناس الجميلة ديه اللي من غيرهم نتسوَّح، تبقى سيرتهم وصمة عار وشتيمة !! إيه قلة الأدب وقلة الذوق ديه !!.. وللأسف الموضوع بيوصل للجيل الجديد فيطلع جيل متنمر عايز الحرق.. خدوا بالكم من كلامكم حتى في الهزار عشان كله هنتحاسب عليه: { مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ }”.