سمية الخشاب للفتيات: متبعتوش أي صور خاصة لأي شخص بتبقى أول حاجة تتمسك ضدكم

وجهت الفنانة سمية الخشاب كعادتها مجموعة نصائح للشباب والفتيات المتابعين لها على صفحتها الرسمية بموقع التدوينات القصيرة “تويتر”.

تحيا مصر يرصد في ذلك التقرير نصائح سمية الخشاب لـ الفتيات والشباب

سمية الخشاب: متثقوش في حد أي كانت علاقتكم

كتبت سمية الخشاب: متبعتوش أي صور خاصة لأي بني أدم أيا كان مدى القرب ايه، قالك أنا هتجوزك أو اقنعك إنكم في علاقة متثقوش في حد بتبقى أول حاجة بتتمسك ضدكم.

وتابعت: عشان ملاحظه اليومين دول في عبث بيحصل والناس عماله تبعتلي انهم متهددين وانه بيبقي ابتزاز والكلام ده.

سمية الخشاب: السجاير مش شبحنة وياريت تبطلوا تدخين

وأضافت: حبايبي انا كل ما اخرج اروح مكان الاقي شباب اندر ايدج بيشربوا سجاير وكانه عادي، السجاير مش شبحنة خالص وياريت المدخنين اللي مش عارفين يبطلوا يلجئوا للheated tobacco لحد ما يبطلوا خطوهة بخطوة.

وسبق، وأن قالت سمية الخشاب: دايما الناس اللي بتتكلم على حاجة معينة او قضية معينة بشكل غير مبرر بتبقى بتعملها من تحت الترابيزة، يعني مثلا الناس اللي بتتكلم عن أعراض البنات ده بيبقي نتيجة انهم يا أما بلا عرض وبيحاولوا يعوضوا النقص ده بأنهم يتكلموا على حد تاني او شافوا الحاجه دي في حد من أهلهم وبيحاولوا يعوضوها برضو.

نصائح سمية الخشاب على تويتر

واستكملت حديثها: الاسقاط ده مشكلة نفسية موجودة بكثرة في المجتمعات، مثلا حد مش عاجبه شكله فكل ما يشوف حد يطلع عيب فشكله رغم انه الجمال نسبي، او حد بيتكلم في الاعراض لانه بينه وبين نفسه عارف انه بلا عرض بس الاسقاط بيخليه يصبر نفسه.

سمية الخشاب ومسرحية كازينو بديعة

جدير بالذكر، أنه عرض لـ سمية الخشاب في موسم الرياض السعودي مسرحية “كازينو بديعة”، إلى جانب النجوم أحمد فتحي و ادوارد وعلاء مرسي إنجي وجدان، ، إيمي طلعت زكريا، علاء زينهم ،استعراضات عاطف عوض، وهي من تأليف أحمد الإبياري وإخراج طارق الأبياري.

وأعرب سمية الخشاب عن سعادتها بهذا العمل، فقالت: أنا سعيدة إني ضمن هذه المنظمة، واشتقت للمسرح ورد الفعل الفوري من الجمهور أمامي، والمسرح أصعب أنواع الفنون وأرقاها، وسعيدة بالعودة له مع المؤلف أحمد الإبياري.