إنجي المقدم: لما بشوف نفسي زمان بقول ايه الهبل ده وبحب شخصيتي الرايقة

تحدثت الفنانة إنجي المقدم عن رغبتها في التمثيل مُنذ الصغر، وكشفت عن تقبلها للنقد، كما تطرقت بالحديث عن مسلسل حكايات بنات وتقدم جزء جديد بأبطال أخرى.

تحيا مصر يرصد لكم تصريحات إنجي المقدم

وقالت إنجي المقدم خلال استضافتها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس أنها ترى وجود نجوم شباك نتيجة الإيرادات وقالت: في ممثلين أتقل من توم كورز هو عنده كاريزما وامكانيات بس قدراته التمثيلية مش كبيرة أوي.

وتحدثت إنجي المقدم عن تقبلها للنقد وقالت: زمان كنت بزعل من النقد السلبي وبطلت ازعل ولو نقد بناءً في صالحي وبعض الملحوظات على شغلي وبدأت احب اسمعه وافهم وادور على المشاكل اللي عندي واشتغل عليها، لكن لو شتيمة مبقتش اهتم بيها وبتاخد مني خمس دقايق زعل بس وبعدين عادي.

وكشفت: جالي نقد قبل كده من حد قريب مني كرهني في الشغل ومضايقتش منه بس اضايقت من نفسي وقتها، والنقد ده كان من جوزي وانتقد ادائي في مسلسل معين كنت فرحانة بيه جدًا واتكبست وقتها عشان كنت متحمسة واضايقت من نفسي.

إنجي المقدم: حلم التمثيل كان أقوى

وكشفت إنجي المقدم أنها كانت تتمنى منذ الصغر الدخول إلى المجال الفن وقالت: كان حلمي أكبر في السينما وقبل ما اخد قرار التمثيل كان بيتعرض عليا وبرفضها

وتابعت: طول عمري بحب التمثيل وعايزة أمثل ولما كنت مذيعة كان بديل ليا ومكنتش سلم ليا عشان امثل هو كان بديل ليا وعودت نفسي احبه واستمتعت بيه لفترة بس حلم التمثيل كان أقوى.
وتحدثت إنجي عن أبنها وقالت: الاستثمار الحقيقي في الدنيا هو أن ولادي يكبروا قدامي، وابني بشوف فيه حاجات فيا هو بيتوتي وكسلان وانا كنت كده وبحب قعدة البيت وأتامل.

إنجي المقدم: مزعلتش لما أربع ممثلات عملوا حكايات بنات

كما تحدثت الفنانة إنجي المقدم عن مسلسل حكايات بنات وتقديم جزء جديد بأبطال آخرين، وعن تصريحات صبا مبارك بشأن حزنها لتقديم جزء جديد بدونها.

وقالت إنجي: مزعلتش لما أربع ممثلات عملوا حكايات بنات، وصبا ودينا زعلوا لان ده مشروعهم وانا كنت ضيفة عليهم ومكنش عندي نفس الاحساس بتاعهم أن دي مشروعهم ونجاحهم.

وتابعت: أنا فاهمة وجهة نظر صبا مبارك، ولو مكانها كنت هكون زيها وبالنسبالي تجربة استمتعت بيها جدًا ورد فعل الجمهور كان عليا كويس ومشروع وخلص.

إنجي المقدم: لما بشوف نفسي زمان بقول ايه الهبل ده

وكشفت إنجي: أنا مش بحب أندم بقول درس اتعلمته ومش هعمل كده ولما بشوف نفسي زمان بقول ايه الهبل ده والسذاجه دي وانا مش ندمانة بس لو اتعرض عليا نفس الحاجات مش هعملها.
وكشفت إنجي: زمان كنت دراما كوين جدًا ومكنتش بحب شخصيتي وقررت أبقى الست اللذيذة الفرفوشة واشتري دماغي وبحب شخصيتي الرايقة.

وتحدثت عن الفنانة منى زكي ودورها في مسلسل لعبة نيوتن وقالت: أتمنى اقدر أوصل لطاقة وموهبة منى زكي في مسلسل لعبة نيوتن.