هند سعيد صالح عن علاقة والدها بعلاء ولي الدين: الوحيد اللي بلغني خبر وفاته وهو منهار

كشفت هند ابنة الفنان سعيد صالح عن علاقة والدها الراحل بالفنان الراحل علاء ولي الدين، مشيرة إلى أنه أبلغها خبر وفاة صديقه وهو منهار وهذه أول مرة ينهار بها سعيد صالح.

تحيا مصر يرصد في ذلك التقرير تصريحات هند سعيد صالح عن علاقة والدها بـ علاء ولي الدين

علاقة سعيد صالح بـ علاء ولي الدين

وكتبت هند سعيد صالح عبر حسابها الرسمي بموقع التواصل الإجتماعي “فيسبوك”: الإنسان مش هقول الفنان  الوحيد اللى بابا بلغنى خبر وفاته و هو منهار حرفيا، كان فى الحج سنة ٢٠٠٣ و انا هنا فى مصر و بسمع البوم علم قلبى اللى كان لسة نازل لقيت أول يوم العيد الصبح تليفون من بابا فى السعودية منهار وبيقولى علاء مات يا هند
احساس بابا كان مختلف عن احساس الفنانين أصدقاء وزملاء الراحل علاء ولى الدين.

هند سعيد صالح: علاقة بابا بـ علاء ولي الدين علاقة أسرية

وتابعت: علاقتهم بترجع لـ ٦٠ سنة و اكتر و من قبل ولادة علاء و من قبل ما بابا يبقى نجم، علاقة أسرية بزيادة مش بس فنية هحكى تفاصيلها بعدين، الذكرى العشرين للأخ الكبير علاء ولى الدين، الله يرحمه و يغفرله و يجعل مثواه الجنة.

هند سعيد صالح: بابا كان بيصلي على المسرح

من ناحية أخرى، سبق وأن ردت هند سعيد صالح على الجدل المثار بشأن أداء المصليين صلاة الجمعة على السجادة الحمراء بمهرجان القاهرة السينمائي، فقالت: “بابا الله يرحمه فى آخر كام سنة من حياته اشتغل فيهم مسرح كان بيوصل المسرح بعد المغرب بشوية لأنه كان بيحب المسرح كمكان اكتر من انه رايح يشتغل”.

وتابعت: “كان لما العشاء بيأذن كان بينادى فنانين على عمال على مساعدين مخرج و يقفوا كلهم يصلوا العشاء جماعة على “خشبة المسرح” الخشبة اللى ممكن تكون من وجهة نظر البعض مش مكان مناسب للصلاة، لكن اللى عايز يصلى بيصلى فى أى مكان لأن ده فرض عليه واللى اشتغل مع بابا مسرح ممكن يأكد كلامى ده”.