زوجة تطلب الخلع: جوزي عرف عليا ست وبيبع عفش الشقة عشان يسهر ويشرب معاها

" جوزي ساب البيت وأولاده اللى تعبنا عشانهم وبقي يجرى وراء ست مطلقة وبيسهر فى شقتها ويشرب معاها مخدرات لحد ما بدا يبيع فى عفش الشقة عشان يجيب فلوس ويروح يسهر معاها واخواتى شفوه وسيرته بقت على كل لسان فى المنطقة " نطقت بهذه الكلمات إيمان البالغة من العمر ثلاثون عاما وهى تجلس على إحدى مقاعد محكمة الأسرة تنتظر دورها فى الدخول الى قاضي محكمة الأسرة لنظر دعوى الخلع التى أقامتها ضد زوجها مبررة استحالة العشرة معه.

تحيا مصر

جوزي ضيعنا كلنا عشان خاطر ست 

وقالت الزوجة فى مستهل حديثها مع " تحيا مصر " اتجوزت من ٨ سنين وكانت حياتنا مستقرة جدا فى البداية وربنا كرمنا بعد ٣ سنين جواز بولد وبنتين، وكانت الحياة كويسة وهو بيشتغل لحد ما فجاءة اتغير الحال فى يوم وليلة لما اتعرف على ست مطلقة قريبة مننا فى المنطقة وبدأ التعارف فى الأول عن طريق النت لحد ما اتعلق بيها، وبقي مش شايف حد غيرها لدرجة انى لما واجهته قالى اه بحبها واللى عندك اعمليه، حاولت معاه بكل الطرق أنه يبعد عنها لأنها ست سمعتها مش كويسة وحرام اللى بتعمله.

دعوى خلع بمحكمة الأسرة

وتابعت إيمان حديثها، وفعلا حصل اللى كنت متوقعه لما اخواتى الصبيان عرفوا أن جوزي بيروحها وبيشرب معاها وبدأ يتجرأ ويبيع فى عفش الشقة عشان ياخد فلوس ويروحها وحكوا ليا قررت انى أبعده عن حياتنا خالص وخليه معاها يشبع بيها، ورفعت عليه دعوى الخلع بمحكمة الأسرة عشان اعرف اربي عيالي صح بعيد عن الحياة دى، والحمدلله حتى أهله معايا وبيسالوا عليا وغضبوا على ابنهم اللى فرط فى بيته وعياله عشان ست هتضيع مستقبله.