إنجي المقدم: تعرضي للتحرش وأنا عندي 16 سنة مأثر فيا لغاية دلوقتي وبروح لدكتور نفسي

كشفت الفنانة إنجي المقدم عن تعرضها للتحرش وهي في سن الـ 16، كما كشفت إنجي أنها دائمًا ما تذهب إلى الطبيب النفسي.

تحيا مصر يرصد لكم تصريحات إنجي المقدم

وقالت إنجي المقدم خلال استضافتها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس:  روحت لدكتور نفسي قبل كده وده مفيهاش اي حاجه تكسف والمرض النفسي زيه زي اي تعب وبسبب تعب نفسي ممكن يجيلك أمراض، وأنا بحب افهم نفسي واشتغل على نفسي ولو عندي مشكله أو عقدة افهمها واتعامل معاها.

إنجي المقدم: بروح لدكتور نفسي

وأضافت: روحت لكذا دكتور عشان كنت بمر بفترة صعبة وتايهة ومحبطة وحاسه ان عندي مشكله ومش عارفه ايه هي وكنت محتاجه حد يساعدني وكنت حابه تطوير نفسي ومبقاش حاسه نفسي مزنوقة جوا حالي.

إنجي المقدم: تعرضي للتحرش وأنا عندي 16 سنة مأثر فيا لغاية دلوقتي

وتحدثت عن تعرضها للتحرش في سن صغير ومعاناتها مع هذه الأزمة النفسية وقالت: تجربة التحرش في 16 سنة أثرت جوايا وعندنا حاجات في العقل الباطن وبتتخزن وبنعمل نفسنا مش واخدين بالنا بس بتطلع في أوقات وتتصرفي تصرفات غريبة.

وأضافت: ده اثر عليا بس انا بشتغل على ده وبتصالح مع نفسي عشان اقدر اعيش

وتابعت: قولت لأهلي لما حصلي تحرش وكانت صدمة كبيرة بس أهلي كانوا في ضهري بس الشغل على الأثر النفسي مشتغلناش عليه بس الجيل واهلنا مكنش عندهم الوعي.

واستكملت: كان في موقف من أهلي بس الموقف عدى ومفيش حد اشتغل على الأثر النفسي ومؤخرا بتعامل معاه.

إنجي المقد: نفسي أرجع أمثل كوميدي

كما كشفت إنجي المقدم أنها تتمنى أن تعود إلى تقدم أدوار الكوميديا مرة أخرى وقالت: نفسي أرجع للكوميديا وكنت مستمتعه جدا وبدايتي كلها كانت كوميدي.

وأضافت: وقفت عشان عايزة اقدم أنواع مختلفة وعايزة أجرب حاجات تانية ومبقاش يجيلي كوميدي ونفسي اشتغل كوميدي.

إنجي المقدم: متعرضش عليا امثل في مسلسل ولد الغلابة

وكشفت عن حقيقة رفضها العمل في مسلسل نسل الأغراب وقالت: أنا متعرضش عليا اي دور في نسل الأدوار وكنت هوافق على حسب الدور، و استمتعت بتجربتي في ولد الغلابة ورد الفعل على دوري وخرجت منه كسبانة وغيرت جلدي.