إنجي المقدم: جوزي مكنش موافق أمثل بس دلوقتي بيشجعني

تحدثت الفنانة إنجي المقدم عن علاقتها بزوجها، كما كشفت عن سبب عدم ظهوره معاها في المناسبات، كما كشفت عن مشاهدها الجرئ في فيلم رأس السنة

تحيا مصر يرصد لكم تصريحات إنجي المقدم

وقالت إنجي المقدم خلال استضافتها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: أنا وجوزي بنتكلم دايمًا في الأدوار قبل ما أعملها، ونتناقش ومش بعمل حاجة غير لما اتكلم مع جوزي ونتوقع ابعادها وبنحط الخطوط مع بعض ومش باخد قراراتي لوحدي

إنجي المقدم: جوزي مكنش موافق أمثل في البداية بس دلوقتي بيشجعني

وتابعت: جوزي مكنش موافق اني امثل واحنا صغيرين، بس دلوقتي هو بيشجعني وبيدعمني وباخد رأيه في كل الأدوار قبل ما اعملها ومش باخد قراراتي لوحدي.

وكشفت: كنا مش فاهمين الوسط الفني وقلقنين منه وكنا بنسمع الشائعات وكان بالنسبة لينا مجهول وكنت خايفة منه وتأثره على حياتنا الشخصية وجوزي مكنش حابب وبعد كده الظروف اتغيرت وهو شاف اني عندي طاقة حابه انها تطلع وجربت وهو بدا يقتنع وشاف اني اتغيرت وبقي سعيدة اني بحقق حلم والموضوع مش وحش وبنتكلم مع بعض في كل الادوار وبيشجعني جدًا.

وأوضحت إنجي المقدم عن سبب ابتعدها عن العمل كمذيعة وقالت: بدات التمثيل وأنا مذيعة واخترت التمثيل وسيبت المذيعة عشان كنت عايزة اركز، وفي الأول كنت ارفض ارجع اشتغل مذيعة وكنت بشتغل 5 ايام على الهوا ومكنش عندي وقتي ومكنتش عارفه احقق حلمي في التمثيل بس لو جالي فكرة أنا حباها.

إنجي المقدم عن مشاهدها الجرئ في فيلم رأس السنة: اتفقت أنا وجوزي على المشهد قبل ما أعمله

وتحدثت إنجي المقدم عن مشاهدها الجرئ في فيلم رأس السنة وقالت: كنت قلقانة من المشهد بس كنت عايزة أتمرد على طبيعتي وكنت خايفة من الهجوم واتكلمت أنا وجوزي في المشهد واتعمل زي ما اتفقنا.

وتابعت: ولو جوزي كان رفض مكنتش هعمله، وممكن اضحي بدور عاجبني عشان رضا جوزي.

إنجي المقدم: لو جالي دور في فكرة عمل جرئ هعمله

وأضافت إنجي: لو في دور جرئ كـ فكرة نفسها ممكن أعمله لكن لو ابتذال وحاجه ملهاش لازمة عشان تبقى تريند ده مش هوافق عليه ومش بحب الابتذال.

وعن عدم ظهور زوجها معاها في المناسبات قالت: كنت بزعل من جوزي لما مش بيرضى يظهر معايا بكون عايزاه معايا وجنبي بس احترمت شخصيته لأنه مش بيحب الاضواء والصور