إنجي المقدم: لو جالي أدوار فيها قبلات هرفضها ونفسي اتخلص من الخوف

تحدث الفنانة إنجي المقدم عن رأيها في فيلم أصحاب ولا أعز وجرأة الفنانة منى زكي، كما كشفت إنجي المقدم عن بعض الأسرار في حياتها.

تحيا مصر يرصد لكم تصريحات إنجي المقدم

تصريحات إنجي المقدم

وقالت إنجي المقد خلال استضافتها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: أنا مشوفتش أي جرأة في المشهد ويمكن الفكرة اللي غريبة وخضت الناس شوية.

وعن تحديد الأجر بالانتشار أو الخبرة قالت إنجي: الانتشار معناه أن الناس حبت الشخص وبتتفرج عليه والأجر بيكون مرتفع لأنه مطلوب وشايفه أن هي مش ظلم، وأنا شايفة أننا نشتغل الشغل اللي هيفدنا ويظهر موهبتنا ويقدم حاجة بفلوس مقبولة.

كما كشفت إنجي المقدم أنها كنت في البداية تسعى لتقديم العديد من الأعمال في وقت واحد موضحة: في الأول كنت بعمل كذا عمل مع بعض وكنت عايزة اشتغل وأبين موهبتي وحماس الشباب بس دلوقتي بهدأ شوية وبجري ورا الدور اللي هقدمه بشكل مختلف وجديد ويبقى في تحدي ليا.

إنجي المقدم: لو في دور فلوسه كتير بس مش راضية عنه هرفضه

وكشفت: لو في عمل مش راضية عنه وفلوس كتير مش هوافق عليه لأنه ممكن يأثر بشكل سلبي عليا ولو حاجه حباها وفلوسها كويسة خلاص، لأن ده هيأذيني قدام.

كما كشفت إنجي المقدم أنها لم تتقاضى أجر عن مشاهدها في صاحب المقام موضحة: مختش فلوس لأنه عجبني وكنت عايزة أعمله.

وعن اتجاه العديد من الفنانات للحجاب وتحريمهم الفن قالت: دي حاجة شخصية جدًا وقرارات البني ادم الشخصية مينفعش احكم عليها ومعرفش ممكن في يوم اعملها ولا وعلاقة الانسان بربه علاقة شخصية، ومش بعتبر أن لما حد يقول على الفن حرام اهانة لأن كل واحد حر في رأيه.

إنجي المقدم: بخاف من المجهول ونفسي اتخلص من الخوف

كما كشف إنجى المقد أنها تخاف دائمًا من المجهول وأوضحت: بخاف من المجهول واي حاجه مش عارفاها أو فهماها بخاف منها.

وتابعت: نفسي اتخلص من كل الخوف اللي جوايا واواجهوا وأعيش بحرية أكتر في أفكاري ومش عايزة الخوف يسيط عليا لأنه بيعطلني ولما تسلمي أمورك لله وتشتغلي على النقط السوده اللي جواكي.

كما كشفت عن إمكانية تقديم مشاهد جرئية وقالت: تكويني مش هخليني أعمل حاجات معينة بس دايمًا مش بقفل الباب وبسيب الباب مفتوح وبشوف ابعادها الأول، ولو جالي أدوار فيها قبلات أو ألبس مايوه هرفضها.