أسماء تطلب الخلع: جوزي ضربنى عشان والدى رفض يبعت لنا شهرية وخزين البيت

" زى اى عروسة لما اتجوزت أهلى كانوا بيبعتوا ليا لمدة شهور كنوع من المجاملات عشان جوزي فى البداية فلوس وأكل، لكن لما مرت شهور وبقي الوضع الطبيعى انى جوزي هو اللى يتحمل المسئولية لكن اتفاجت أنه بيطلب منى انى والدى يثبت فلوس معينة شهرية للبيت وخزين للمطبخ والتلاجة " جاءت هذه الكلمات على لسان أسماء وهى داخل محكمة الأسرة لرفع دعوى قضائية ضد زوجها لطلب الخلع منه بعد عام واحد فقط من الزواج مبررة استحالة العشرة معه بعد أنه ظهر على حقيقته وأظهر طمعه فى أهلها .

تحيا مصر 

جوزي طلب من أعلى حزين البيت 

وقالت الزوجة فى بداية حديثها مع " تحيا مصر "، اتجوزت من سنة واحدة من شخص المفترض أنه من عيلة كويسة لكن أقل مننا فى المستوى المادى واحنا خمس بنات ووالدة ساعده فى البداية للجواز لحد ما فرش الشقة واخد شهور يبعت لنا أكل وفلوس هو ووالدتى على أساس أن جوزى يقدر ويحس ويقول كفاية عليكم كدا وأنه هو راجل ولازم يتحمل مسؤولية بيته، فقرر والدى بعد شهور من الجواز أنه ميبعتش شئ تانى، لما حس أنه إنسان طماع ومش بيحس .

دعوى الخلع بمحكمة الأسرة 

وتابعت أسماء فى دعوى الخلع، وعمرى ما تخيلت أنه ممكن يطلب منى أن اكلم والدى أنه يبعت فلوس شهرية كمصروف  مع خزين البيت والتلاجة، ورفضت فى البداية ومع كتر الإلحاح قولت لأهلي وانا عارفة رد فعلهم أنى والدى هيرفض لانه كره جدا من كتر بروده وتصرفاته وقالى لى أقوله " المفروض انك راجل البيت وتتحمل مسئوليته مش عايز ابو مراتك يصرف عليك خليك راجل، ولما سمع كدا ضربنى فسبت له البيت ورفعت عليه دعوى خلع عشان يتعظ المخلوع ومنتظرة الحكم فى الدعوى .