رغم تنوع أشكاله.. «الفانوس الصفيح» عرض مستمر في الدقهلية|فيديو

70 عاما في صناعة وببيع الفوانيس في داخل محل بسيط  في شارع بوسعيد بمدينة المصنورة في محافظة الدقهلية تجلس "ياسمين السيد الحسينى" وسط الفوانيس الصاج ذات اللون النحاس الذي يبهر الجميع ويتوسطها صورة والدها المرحوم "الحاج السيد الحسينى" الذى يعلم الجميع عنها انها اقدم بائع وصانع فوانيس فى مدينة المنصورة والتى اشتهرت بها أسرتها وتوارثتها الأسرة.

تبدأ من 17 جنية.. تعرف على أسعار ياميش رمضان 2023

العمدة وضرب نار.. تعرف على قائمة مسلسلات شهر رمضان 2023

تحيا مصر 

وما إن يقترب شهر رمضان الكريم تنتشر شوادر بيع الفوانيس بنطاق محافظة الدقهلية  لتعلن للجميع قرب حلول الشهر الكريم ورغم تنوع اشكال الفوانيس المحليه والمستورده الا ان هناك الكثير من الاسر تبحث عن الفانوس الصاج ابو شمعه ومن  داخل أقدم محلات بيع الفوانيس الصاج النحاسيه التقت "تحيا مصر " مع ياسمين الحسينى ابنة اقدم بائع وصانع فوانيس  لتحكى عن حالة الإقبال على شرائه.

«ورثت المهنة عن والدي»

تقول ياسمين الحسينى: الحاج سيد الحسينى والدى الله يرحمه اقدم بائع فوانيس وهو من أيام فانوس اللمبه العشره وأبو شمعه وتوافاه  الله من 6 سنوات وكملت المسيره انا وعمى على  احنا حبينا المهنه وكنت بستغرب ان والدى الله يرحمه بيصحى من الفجر وبعد ما توفى ومسكت مكانه لقيتها فرحه لانى بكون سبب فى فرحة الناس".

وتابعت قائله " اكتر نوع بشتغل فيه هو الفانوس العربى اللى فيه شغل ارابيسك وليه اسماء كتيره زى الكمبوره والنجمه وابو باب وفيه منه المطلى والعادى وفيه طنطاوى اللى بتصنع فى طنطا واحنا هنا بنصنع الفوانيس القدميه الصاج ابو شمعه ".

وضافت قائله : الفوانيس كل يوم فى تطور زى فانوس صانع الكنافه وفيه الفوانيس الخشب  وعليها صور شخصيات كرتون واسعار الفوانيس بتترلوح  20 جنيه لحد فانوس العرض الكبير اللى بيوصل لحد 3 الاف جنيه والفوانيس الكبيره بتستخدمها الفنادق ومحلات الحلويات والكافيهات ".

«الناس بتحب الفوانيس اللي بنعملها»

واختتمت: الاقبال بيكون على فانوس البلكونه اللى اسمه الطنطاوى وبيبدء من 100 جنيه لحد 2000 جنيه وفيه فانوس قدس وكل دا صناعه مصريه وفيه فانوس قنديل مدور زى النجفه واحنا بنشتغل من اول رجب لحد اخر يوم فى شعبان ومش بنشتغل فى رمضان".