الرئيس السيسي: مش عاوزين نتكلم كتير فى موضوع الأكل في التلفزيون.. ميصحش

أكد الرئيس عبدالفتاح السيسي، على استقرار المخزون الاستراتيجي للسلع، لمدة 6 أشهر، رغم الأعباء المالية، مطمأنًا الموطنين بشأن توافر السلع الفترة المقبلة وعدم وجود أي عجز بها.

وطالب الرئيس السيسي، خلال  افتتاح المرحلة الثانية من المدينة الصناعية "سايلو فوودز"بمدينة السادات، بعدم الحديث عن "الأكل" في الفضائيات، قائلًا: "مش عاوزين نتكلم فى موضوع الأكل كتير فى التليفزيون.. ميصحش.. الحاجة موجودة واحنا شفافين جدا معاكم وصادقين جدا وبنقولكم كل حاجة.. موسم القمح والرز والبنجر والقصب ده معناه حتى لو انت شايف 4.5 شهور للقمح ده معناه أن الإنتاج القادم ده بيسلم ده ومحافظين على 6 شهور.. رغم ان ده بيكلفنا أعباء مالية.. ومعناه حجز فلوس لمدة 6 شهور.. يعني بشترى وأحطهم في المخازن.. ده اللى احنا بنعمله وتكلفة كبيرة جدا في ظل اللى بيحصل في العالم كله.. لكن لا باس مستمرين على موقفنا رغم الظروف الاقتصادية الصعبة اللى بتقابلنا".

الرئيس السيسي: «لازم المواطن يقاطع المحلات اللي بترفع الأسعار.. وأزمة الـ 4 شهور الماضية لن تتكرر»

قال الرئيس عبد الفتاح السيسي، إن كل ما يجري إنتاجه من مواد غذائية يتم وفق الاشتراطات العالمية، مضيفًا بأن منظومة التغذية المدرسية مستقرة ومؤمنة.

وأضاف "السيسي"، خلال  افتتاح المرحلة الثانية من المدينة الصناعية "سايلو فوودز"بمدينة السادات، أن جهاز مشروعات الخدمة الوطنية ملتزم بقواعد المنافيسة العادلة، مؤكد أن الجهاز على استعداد للشراكة لتحقيق أهدافه.

وأكد أن السلع الأساسية والاستراتيجية متوفرة ونحافظ على توفير الاحتياطات اللازمة باستمرار.

الرئيس السيسي: «لازم المواطن يقاطع المحلات اللي بترفع الأسعار.. وأزمة الـ 4 شهور الماضية لن تتكرر»

وتابع: "الرئيس السيسي صعب الدولة تسيطر على التلاعب في الأسعار وحدها.. لازم المواطن يكون له دور ويقاطع المحلات اللي بترفع الأسعار".

ولفت الرئيس السيسي إلى أن الدولة تبذل جهدًا كبير كي لا تتكر الأزمة التي حدثت في بعض السلع الاستراتيجية، الأربع شهور الماضية.

ووجه   حديثه لوزير التموين، قائلًا: “الناس والبرلمان بيقولوا وزير التموين مش قادر يسيطر على الأسواق وده كلام مهم”، مؤكدًا أن الدولة المصرية تقوم بدورها الرقابي وعلى المواطن أيضا أن يقوم بدوره ويعطي للتجار المغالين الدرس.