فاطمة تطلب الخلع: جوزى عايزنى اصرف عليه وعلى أمه من مرتبي

تقدمت فاطمة بدعوى قضائية أمام محكمة الأسرة بشمال الجيزة لرفع دعوى خلع ضد زوجها بعد عام واحد فقط من الزواج مبررة ذلك بقولها " لما اتجوزت عرفت ليه كان جوزى فى فترة الخطوبة كل شوية يسالنى مرتبك كام لانى اكتشفت أنه عايزنى اصرف مرتبي عليه وعلى أمه اكل وشرب ولما رفضت بقوا يعاملونى معاملة مش كويسة وكل شوية يتلكك ويضربنى ويغضبنى لحد ما دخلت معاهم فى عند وصممت أنه هو اللى يصرف أو يطلقني." 

تحيا مصر

عايزنى اصرف مرتبي

وقالت الزوجة فى مستهل حديثها مع " تحيا مصر"، اتقدم لى عن طريق بعض المعارف، ومكنتش اعرف انه كان بيدور على واحدة موظفة، هو بيشتغل فى شركة خاصة وانا بشتغل فى كول سنتر ومرتبى كويس، وكنت ناوية اساعد معاه فى طلبات البيت بجزء والباقي لطلبات الشخصية، لكن اتفاجات بعض الجواز أنه طالب كل مرتبي ليه ولوالدته وأنه مرتبه هيشيله، فرفضت طبعا وقولتله مش ملزمة انى اصرف عليك وعلى امك، ومن هنا بدات المشاكل بيننا، أستغربت أزاى راجل يطلب من مراته تصرف عليه هو وبكل بجراءة وكأنه شئ عادى وحق ليه لأنى موظفة.

دعوى الخلع بمحكمة الأسرة 

واضافت الزوجة، وبدأ يتلكك فى المشاكل عشان يضربنى ويغضبنى حتى والدته كرهتنى فى عيشتى والجواز لحد ما طلبت معايا عند معاهم، انا عمرى ما هصرف عليهم وبقيت بصرف على نفسي بس، ودا بقي يحرق دمهم ويشتموا فيا وخاصة والدته اللى بتخرضه عليا، لحد ما طفح بي الكيل من الفضايح والنكد، وطلبت منه الطلاق ولكن رفض وقالى هسيبك معلقة لحد ما تندمى، فقررت اخليه يندم ويبقي مخلوع لانه شبه رجل فرفعت عليه دعوى الخلع ومنتظرة حكم القضاء.