زوجة أمير طعيمة تثير الجدل حول انفصالهما: الحياة مبتوقفش على حد

أثارت جيني زوجة الشاعر الغنائي أمير طعيمة الجدل حول انفصالها عنه، من خلال منشور لها عبر حسابها الشخصي بموقع التواصل الاجتماعي فيسبوك.

تحيا مصر يرصد حالة الجدل المثارة حول انفصال الشاعر أمير طعيمة عن زوجته.

طلاق أمير طعيمة وزوجته يثير الجدل

وكتبت جيني: السادة الصحفيين والأصدقاء اللي بتسألني في إيه وما بردش ومش هرد، الكلام واضح  وكل الأطراف كويسة وقمة الأحترام المتبادل.. 
مفيش كلام أحب أقوله ولا هقوله غير كده، الحياة عمرها ما بتقف علي طرف وبتستمر ويبقي الود.. الحمد لله في كل حاجة، الكلمة اللي بتخرج طلقة أستحمل خروجها.

على الصعيد الآخر، كانت أعلنت جيني طعيمة إصابتها بورم، إذ كتبت عبر صفحتها على موقع التواصل الاجتماعي «فيس بوك»، شرحت خلاله معاناتها مع المرض، وقالت: «من حوالي سنة ويمكن أكتر وأنا تعبانة وبأجل مشوار الطبيب، وبقول بطلي دلع وباخد مسكنات والدنيا ماشية، من تقريبا كده 4 شهور وتدهور رهيب ومتماسكة وبقول أفضى بس كده وأشوف إيه الحكاية، أمير كان عنده عرض المسرحية في الرياض والمفروض أنا ما بفوتش الحاجات دي إطلاقا وخصوصًا لو شغل شهور».

جيني طعيمة تروي معاناتها مع المرض

وأضافت جيني زوجة أمير طعيمة: «المهم جه وقت العرض وأنا تعبت وما قدرتش أسافر وكان صعب عليا بس تعبانة مفيش طاقة مفيش صحة تماما، الجسم كله مأذي لدرجة إني مش فاهمة أنا إيه إللي بيجرى لدرجة إني كلمت الطبيب الخاص وأخدت ميعاد وكنت في العربية قبل ما العيادة تفتح، كشفت والصدمة إيه ده يا مدام؟.. هو حضرتك إزاي عايشة كده؟.. وتفاصيل كتير في الكشف وقالي محتاج جراحة بس محتاج الأشعة والتحاليل دي وحالا أدركت إني فعلا في حتة مش تمام، ومن فحوصات الأشعة الكلام اختلف».

جيني طعيمة: بعرف إن ربنا بيحبني من المواقف دي
وأكملت: «4 أطباء من جامعة عين شمس والقاهرة وطب الأزهر عشان دقة الجراحة، كل واحد كان بيبعت لزميله الأهم التشخيص ويقولي معلش ناخد رأي شيخنا ومعلمنا الدكتور فلان أفضل لسلامتك، اصبري وتحملي، كان المفترض ده وقت الجراحة اكتشفنا إنه ورم وحجمه كبير، بس حقيقي وبأمانة محدش سابني لحظة ولا أستعجل ولا حاول يحطني تحت ريسك مع إنه طبيعي يحدث».

أزمة زوجة أمير طعيمة المرضية

واختتمت: «وبكل أمانة ما كانش بيتقال غير دي بنتنا وعايزين نحافظ عليها، الحمد لله النتيجة النهائية إني بخير، بشكر كل إيد من الأيدي الطيبة اللي ساعدتني وصبرت عليا بعرف إن ربنا بيحبني من المواقف دي مش من أي حاجة تانية، وأكتر كلمتين بيطمنوني من الناس البسيطة اللي بتقولي اوعي تخافي ربنا هيجبر بخاطرك عشان إنتي مفيش حد بتزعليه أبدا».