زوج علا غانم يفجرها: عملت نفس الموال مع وليد الدفراوي.. وهي اللي حكتلي

فجر الأستاذ عبد العزيز زوج علا غانم مفاجأة بشأن تلك الواقعة، والتي تعبتر مماثلة لتصرف الفنانة مع طليقها وليد الدفراوي. 

تحيا مصر يرصد لكم تصريحات زوج علا غانم وذلك خلال السطور القادمة 

زوج علا غانم: عملت كده مع وليد الدفراوي 

وقال زوج علا غانم لـ تحيا مصر: هي عملت نفس الموال ده لما كانت عايزة تاخد الولاد من وليد الدفراوي وهي حكتلي، وانا بقالي ٤٠ سنة برا مصر ومن بعد ما اتجوزتها قعدت في مصر من ٢٠٠٥.

وتابع: كنا بنروح أن وهي وبنيجي وبنسافر، وعندها بنتين كاميليا مهندسة وفريدة والاتنين متجوزين. 

زوج علا غانم: عمرها ما مدت ايديها عليا.. عشان كده قولت بتتعاطى

وأضاف زوج علا غانم لـ تحيا مصر: علا مش مصابة خالص وازاي انا هضرب حد وايدي بتنزل دم، وانا معنديش ومعرفش حد اجيبه، وامها قالتلها تعمل كده. 

وأردف الأستاذ عبد العزيز: عندها بنتين كاميليا وفريدة ومتجوزين، وهي بتتعاطى من الشهرين تلاتة دول وعمرها ما مدت ايدها عليا عشان كده بقول انها بتتعاطى.

مداخلة علا غانم في برنامج الحكاية 

وكانت قد خرجت الفنانة علا غانم لتكشف تفاصيل واقعة تعدي زوجها عليها رفقة بعد الأشخاص الأخرين لـ الاستيلاء على جزء من منزلها، وذلك خلال مداخلة هاتفية مع الإعلامي عمرو أديب في برنامج الحكاية.

روت علا غانم تفاصيل الأزمة التي تعرضت لها على يد زوجها عبد العزيز لبيب من البداية، فقالت: يوم الجمعة بعد الصلاة لقيت أحد الغفراء بيقولي انه فيه ناس جاية وكانت عربيات عليها ناس كتير وبيقول ان اللي جايين بيقولو انهم تبعي، وأنا ما أعرفش ولا واحد فيهم.

وتابعت علا غانم حديثها: كانوا بيحاولو يقتحموا البوابة عشان يدخلوا الناس و20 بني أدم رجالة وستات كانو كتير جدا، وكل أما أدخل مع حد بيضربوني ويكتموني، وضربوا الغفرا بتوعي بالشوم، وأمي اعتدوا عليها.

وأضافت: الست كانت حاطة وشي في صدرها عشان مطلعش صوت وأما واحد حس إني قربت أموت قالولها كفايا كدة، وكانوا بيمسكوني من الروب ويرموني على الأرض.