زوج علا غانم: والدتها بتحقد عليا وشرانية ومعايا تسجيلات لـ علا بتقولها انتي هتكوني سبب خراب بيتي

كشف رجل الأعمال عبد العزيز لبيب، عن سبب الخلافات التي نشبت بينه وبين زوجته علا غانم، كما اتهم والدة علا غانم بأنها السبب الرئيسي في الخلاف بينهما.

تحيا مصر يرصد لكم تصريحات زوج علا غانم

زوج علا غانم: طلبت من علا نتفاوض بس مرضيتش بسبب أمها لأنها ست بتحب الشر

وقال زوج علا غانم خلال بث مباشر لموقع تحيا مصر: والدة علا غانم بتحقد عليا وعلى الكل وهي السبب في المشاكل اللي  بينا وهي ست بتحب الشر.

وأضاف: مكنتش أعرف أن علا رفعت عليا قضية خلع وهي لو كانت عايزة تطلق كنت هوافق عادي، وهي رفعت عليا خلع من سنة ونص وأنا كنت في أمريكا ولما نزلت مصر في شهر 1 عرفت أن مرفوع عليا قضية خلع، في شهر 11.

واستكمل: أنا نزلت مصر عشان أطلب من علا نقعد ونتفاوض وقولتها هطلقك بس نقعد نتكلم مرضيتش تقعد معايا وده بسبب أمها لأنها هي اللي بتقولها تعمل كده.

وتابع: علا رفضت تتفاوض معايا ونتصالح بسبب أمها اللي قالتلها كده وهي اللي حرضتها تنزل على انستجرام نستغيث بالمركز القومي للمرآة.

كما كشف عن بداية علاقته بعلا غانم وقال: انا عندي سلسلة مطاعم في أمريكا، واتعرفت عليها في أمريكا وهي جت عندي المطعم مع ريهام عبد الغفور وهشام سليم في 2006 وحبتها من أول ما شوفتها وقولتها أنا هتجوزك وهي قالتي اللي عايز يتجوزني يجيلي مصر.

زوج علا غانم: أنا لسه بحب علا وهفضل أحبها 

وتابع عبد العزيز باكيًا: أنا لسه بحب علا وهفضل أحبها مهما حصل بس هي مبقتش عايزاني خلاص لأن أمها كرهتها فيا وكمان كرهت بنتها فيا وأخوها مبقاش يحبني بسبب كلام أمها عني، وعلا كانت بتقول لأمها أنتي هتخربي بيتي وهي فعلا عملت كده.

وتابع: أمها بوظت العلاقة الزوجية، ومفيش حد اشتغل هنا الا لو قال ان دي ست شرانية، ومش عايزة أغلط في أي حد هي مدمرة وبردو دي أم مراتي.

زوج علا غانم: علا مش مصابة.. وامها اللي قالتلها تعمل كده

كما كشف زوج علا غانم حقيقة تأجيره لبعض البلطجية من أجل اقتحام منزل علا غانم والاعتداء عليها وقال: علا مش مصابة خالص وازاي انا هضرب حد وايدي بتنزل دم.

وأضاف: أنا مجبتش أي مخلوق معايا البيت ومفيش حد محبوس في القسم تبعي أنا معرفش اي حد ، وأمها هي اللي جايبة ناس واتحبسوا وامها قالتلها تعمل كده.