زوج علا غانم: كنت عايش معاها حياة زوجية متكاملة واتفاجأت انها رافعة عليا قضية خلع

تحدث رجل الأعمال عبد العزيز لبيب عن قضية الخلع التي رفعتها زوجته الفنانة علا غانم منذ سنة ونصف دون علمه، مشيرا إلى أنه تفاجأ بها وعندما علم طلب منها أن يتناقشوا في الأمر لكنها رفضت.

تحيا مصر يرصد في ذلك التقرير تصريحات زوج علا غانم عن قضية الخلع

زوج علا غانم: مكنتش أعر بقضية الخلع ومستغرب ليه متطلبتش الطلاق في أمريكا

وقال زوج علا غانم في بث مباشر لـ موقع تحيا مصر: لا أعلم بعملية الخلع دي غير لما الأستاذ عبد المحسن بعتلي الصورة بتاعتنا أنا وهي، وسألته وقتها ازاي تخلعني وأنا في أمريكا وهي في مصر، فقال ده غير قانوني ولازم تعلمك عن طريق السفارة، والقاضي رفض القضية أول مرة والقانون المصري منصف جدا.

وتابع: أنا كنت عايش معاها في حياة زوجية متكاملة وفي سنة ونص كانت بتحاول تخلعني واتفاجأت بقضية الخلع، وده حاجة استعجبتها جدا، طيب ليه متطلقتيش في أمريكا بدل ما تقعدي سنة ونص، 6 شهور في أمريكا بتاخدي ورقة الطلاق لو انتي عايزة تتطلقي، ليه قعدتي سنة ونص منتظرة هنا في مصر، كل اللي عايزة تعمليه تروحي المحكمة في أمريكا تقولي انك عايزة تطلقي كانوا هيطلقوكي.

زوج علا غانك: الخلع لازم يتعمله قانون صارم لأن فيه ناس بتتظلم زيي

وأضاف: الخلع لازم يتعمله قانون صارم لأن فيه ناس بتتظلم فيه زي مأنا اتظلمت فيه، هما كانو بيخلعوني وهي عايشة معايا، نزلت مصر بحجة انها تشوف بنتها، وفوجئت بإني كنت هبقى مخلوع أو مطلق، المحامي بتاعي قال إني مقيم في أمريكا، والقاضي عمل رفض للقضية، رفعت دعوى تانية إني عايش في بيت والدتي، واستمرت الدعوة والقاضي كمل.

واختتم زوج علا غانم حديثه: أنا أعلم الخلع من شهر 11 الماضي، يعني حوالي 4 شهور، والتواصل بينا كان على الانترنت، وقولتلها تعالي نقعد مع بعض رفضت، والسببت في المشاكل والدتها.

أزمة علا غانم وزوجها

جدير بالذكر، أنه تصدرت أزمة علا غانم حديث مواقع التواصل الإجتماعي في الساعات القليلة الماضية، وذلك بعد إعلانها استغاثاتها بحرم الرئيس عبد الفتاح السيسي، ورئيسة القومي للمرأ “مايا مرسي”، مشيرة إلى أنها تتعرض للضرب والإهانة على يد زوجها.