بعد 3 شهور زواج.. سماح تطلب الخلع: أكتشفت أنه اريال وبيهددنى بصوري

" أكتشفت أنى جوزى ديوث ومعلق أريال بعد 3 شهور من الزواج طلب منى أشتغل وأكلم رجالة على النت مقابل كروت شحن ومش بس كدا دا بيقول لى أنا اخترتك جميلة عشان نقدر نعيش ونعمل فلوس وحسيت أنى كلامه ممكن يتطور أنه يسبنى أعمل علاقات جنسية مقابل الفلوس فى يوم من الأيام " جاءت هذه الكلمات على لسان سماح وهى داخل محكمة الأسرة لرفع دعوى خلع من زوجها بعد 3 شهور فقط من الزواج مبررة استحالة العشرة معه .

تحيا مصر

وقالت الزوجة فى مستهل حديثها مع " تحيا مصر": " أتجوزت من 3 شهور بس بعد ما اتعرفت عليه عن طريق واحدة صحبتى وكنت فاكرة أنه بيحبنى بجد، وخاصة بعد ما طلب منى أننا نتزوج، على الرغم انه ظروفه أقل مننا لكن وقفت جنبه، وساعدته على قدر ما أقدر لحد ما اتجوزنا وبقي لينا أسرة وبيت، وكان نفسي حياتنا تبقي مستقرة، ونخلف أولاد ونربيهم تربية كويسة، لكن أتفاجت بعد الجواز أنه طول الوقت على النت، ونادرا لما ينزل شغله فى محل صيانة، والغريب أنى كنت الاقي معاه فلوس ديما لحد ما سالته بتجيب الفلوس أزاى.

جوزى أريال وبيهددنى بصورى

وتابعت سماح، " لقيته بيرد عليا ويقول لى " كويس انك فتحتى الموضوع اللى بقالى كتير عايزة اكلمك فيه، النت بيكسب فلوس حلوة أوى وكمان ممكن تستغلى جمالك فى مكالمات مع ناس من الخليج ويتحولك فلوس أو كروت شحن وهتعرفي تجيب رجالة معاها فلوس بجمالك عشان نقدر نعيش عيشة حلوة"، كلامه كان صدمة كبيرة عليا، ولقيته بيتكلم جد وبيشجعنى أنى أعمل كدا ولما رفضت لقيته بيقول لى أنه متجوزنى عشان خاطر يطلع على وش الدنيا.

دعوى الخلع بمحكمة الأسرة 

وأستكملت الزوجة، مقدرتش أقعد معاه دقيقة تانى وخاصة بعد ما طلع ليا فيدهوهات وصور معاه، وهددنى بيها، وسبته وروحت عند أهلى اللى فتحوا حضنهم ليا ووقفوا معايا ورفعوا ضده دعوى الخلع ومنتظرة أولى الجلسات فى دعوى الخلع بمحكمة زنانيري .