خاص | زوج علا غانم يكشف المستور: ضربتني واتفاجئت بقضية الخلع بعد سنة ونص كانت نايمة معايا فيهم

خرج عبد العزيز لبيب رجل الأعمال وزوج الفنانة المصرية علا غانم الثالث عن صمته للرد على الاتهامات الموجهة له من خلالها بشأن تعديها عليها وطردها من المنزل وتهديدها بالقتل.

تحيا مصر يرصد رد زوج علا غانم على اتهامتها له.

زوج علا غانم ينفي اتهامتها له

وقال زوج علا غانم في تصريح خاص لموقع تحيا مصر: أنا مش محتل البيت وقولتها تنور في بيتها في أي وقت أنا معنديش مشكله معاها.. أنا اللي انضربت واتعورت وايدي مفتوحة، هي ضربتني بازازة وأمها بحديدة والبلطجية اللي هي جيباهم جرجروني على الأرض وضربوني على رجلي بعصيان.

زوج علا غانم يتهمها بتعديها عليه

وتابع: هي رافعة قضية خلع بقالها سنة ونص لا أعلم شئ عنها وقدمت أوراق مزورة للمحكمة، عايزين يطردوني برا البيت وأنا البيت معايا عقد إيجار بيه 59 سنة.. هي لو عايزة تتطلق مطلقتش في أمريكا ليه.

وأضاف: ليه جاية مصر وتعمل دوشة عشان عايزة ترجعي تمثلي تاني في مصر، الطلاق في أمريكا أسهل بيبقى خلال 6 شهور، انتي عايشة معايا بقالك سنة ونص بتنامي معايا وبتشربي معايا وعملنا عيد جوازنا من 3 شهور 
وفجاة الاقيكي عملالي خلع وعايزة تاخدي البيت.

أزمة طلاق علا غانم وزوجها الثالث

واستطرد: عايزة تتطلق اهلا وسهلا بس اديني حقي، في 2005 كنت جايبلها شبكة ب 2 مليون جنية من أمريكا لأن والدها قالي أنا مش هعملك مؤخر ومش هعملك مقدم وانت تجيب شبكة تليق بمركزك قولتله مفيش مشكلة وعلا لما اتجوزتها كانت جيالي بتاكسي محليتهاش حاجة ولا حتى عربية.

وأردف: تاني يوم نزلت اشتريتلها عربية وعيشتها في فيلا، وهي مكنتش تعرف يعني ايه فيلا كانت عايشة في شقة صغيرة، أنا كنت سبب رزق كبير لي وربيت ولادها وبقوا أمريكان وعملتلهم بيزنس لحد ما أمها جت من أستراليا بدأت المشاكل فعلا حبت ترضي أمها وبنتها.

واختتم زوج علا غانم حديثه قائلًا: هي عايزة تطلق تاخد حقها وتديني حقي، الموضوع بينا وصل لمحاضر والشرطة تدخلت، أنا معنديش مانع نحل الموضوع ودي لو عايزة نقعد مع محامين وكل واحد ياخد حقه، احنا عندنا في أمريكا الست بتمتلك نص كل حاجة والراجل بيمتلك نص كل حاجة.. هي بتمتلك نص حاجتي وأنا بمتلك نص حاجتها وياريت الموضوع دا يطبق في مصر لأنه قرار ناجح.