اسندي روحك عليا.. رامي جمال يطرح أحدث أغانيه بعنوان "عاملة ايه"

طرح المطرب رامي جمال أحدث أغانيه بعنوان عاملة ايه وذلك قبل قليل عبر قناته الرسمية بموقع الفيديوهات الشهير يوتيوب. 

تحيا مصر يرصد لكم تفاصيل أغنية عاملة ايه 

رامي جمال يطرح عاملة ايه

وحققت الأغنية 3 الاف مشاهدة بعد نصف ساعة من طرحها، والتي أشاد بها عدد كبير من الجمهور. 

حيث جاءت التعليقات كالتالي: الأغنية هادية واللحن حلو مبروك يا رامي، الأغنية بقت ادمان مش قادرة ابطلها، وغيرها من التعليقات. 

كلمات أغنية عاملة ايه

وجاءت كلمات الأغنية كالتالي: عاملة ايه وصحيتي امتى وروحتي فين؟، طمنيني لو وصلتي لو هيبقى بكلمتين، فاضية نتمشى شوية واسندي روحك عليا سيبي ايدك بين ايديا اطمني لو روحنا فين. 

والأغنية من كلمات أحمد العزب، وألحان أحمد العدل وتوزيع إلهامى دهيمة وأحمد حسام

رامي جمال والمطرب النقاش

يذكر أن رامى جمال يراهن على موهبة أحمد سالم إذ كشف رامى جمال: "أنا حبيت صوت أحمد جدا، الناس اتهمتنى إنى عايز أركب التريند، رغم إنى شيرت الفيديو بتاعه قبل ما حد يشوفه، قلت لمراتى الصوت ده حرام لو معملتش ليه حاجة".

وأضاف: "أنا بسدد فى أحمد دين عليا.. فيه ناس دعمتنى فى بداياتى، أنا هشتغل معاه أغنيتين، وأحمد فيه شركات كتير عارضة عليه الإنتاج لكنه يثق بى".

وعن خوفه من فشل التجربة قال: "فى البداية سألت أحمد لو مانجحناش، هتعرف تشتغل شغلانتك تانى؟ وكان رده هرجع أشتغل عادي جدا".

وتابع: "أنا مش شركة إنتاج، بس بعتبر أحمد زى أخويا الصغير، وممكن أتحمل مصاريفه لغاية ما ينجح.. عشمى فى ربنا إنه يكسر الدنيا.

رامي جمال في برنامج سهرانين 

وكان قد حل المطربان رامى جمال ونداء شرارة، ضيفين فى برنامج "سهرانين" تقديم النجم أمير كرارة، والمذاع على قناة ON، حيث بدأ الحلقة بغناء أغنية "سقف" وسط تفاعل الجمهور الحاضر خلال الحلقة.

وعلق رامى جمال على "كوميكس" أغنية سقف، وقال: "حظنا إن كورونا انتشرت بعد طرح الأغنية بـ 20 يومًا، وحظنا كان حلو إنها كانت بتتسمع فى البيوت، والحظ الوحش إنى لم أستفد بوقت نزولها إنى اشتغل بيها لايف فى حفلات".