خاص|عمرو محمد علي يُطمئن الجمهور على حالته الصحية ويكشف موعد خروجه من المستشفى

كشف الفنان عمرو محمد علي عن حالته الصحية، وذلك بعد أن تعرض لغيبوبة ونقل على آثرها إلى المستشفى، ومكث لعدة أيام، كما كشف عن موعد خروجه من المستشفى.

تحيا مصر يرصد لكم الحالة الصحية لـ علا غانم

وقال الفنان عمرو محمد علي في تصريح لموقع تحيا مصر أن حالته الصحية بدأت في التحسن خلال الفترة الأخيرة، وذلك بعد أن تلقى العلاج.

وقال عمرو محمد علي: الدكاترة هنا كويسين جدًا وبيعملوا اللي عليهم وأنا اتحسنت كتير، وأنا كل يوم بروح المستشفى أخد العلاج وأمشي وبعد بكرة هيبقى أخر يوم ليا في المستشفى.

عمرو محمد علي يطمئن الجمهور على حالته الصحية

وكان قد تقرر علاج الفنان عمرو محمد على الشهير بشقشق على نفقة الدولة، وذلك بعد المناشدة التى وجهها الإعلامى الدكتور عمرو الليثى ببرنامجه واحد من الناس لكل من يستطيع المساعدة فى علاجه قبل تدهور حالته.

تصريحات ابنة عمرو محمد علي

وكتنت قد خرجت ابنة الفنان عمرو محمد علي لترد لأول مرة على تصريحات والدها عنها وعن والدتها والتي اتهمهم فيها بإهمالهم له بعد فترة مرضه، وقالت ابنة عمرو محمد علي في فيديو عبر حسابها الرسمي بموقع التواصل الإجتماعي “فيسبوك”: بقالي كتير ساكتة وقلت لمامتي ما نتكلمش في حاجة، علشان حياتنا الخاصة ما حدش يعرف عنها حاجة، ولكن بصراحة زاد أوي، أنا اسمي شهد عمرو محمد علي معظم الناس ما تعرفش مين شهد لأنه بالنسبة لي اسم في البطاقة، مش هتكلم إنه قال عني جاحدة لأنه في الأول والآخر بابايا وبتمنى له الشفا، وماحدش يحكم على حد وهو ما يعرفش القصة كاملة، ماحدش عارف هي عملت إيه وإيه حصل بينهم أدى لانفصالهم، محدش يعرف هي عملت إيه عشاني 20 سنة بتصرف عليا لبسي وحضنتي لحد تانية جامعة وعملت عشاني كتير أوي وما أستحملش أسمع عنها نص كلمة وماحدش عارف الحكاية.

ابنة عمرو محمد علي: أمي بتصرف عليا لحد تانية جامعة

وأضافت: حرام أكون طول ما أنا ماشية اشوف في الصفحات الست اللي سابت جوزها.. ليه الناس بتحكم على حد من طرف واحد، وعلشان ما أطولش عليكم الست دي بطلة عملت كل حاجة في الحياة عشاني عشان ابقى اإنسانة متعلمة.. وكفاية تحكموا على حد وانتم ما تعرفوش القصة، ورسالة لوالدي بدعي له بالشفا ده أبويا مهما كان أما أهلي أنا آسفة مش مسامحة في كل كلمة باطل اتقالت في حق مامتي.