اليوم.. رامي جمال يطرح أحدث أغانيه بعنوان عاملة ايه

يستعد الفنان المصري رامي جمال، لطرح أحدث أعماله الغنائية التي تحمل اسم «عاملة ايه»، اليوم الإثنين الموافق 6 فبراير، وذلك عبر القناة الرسمية الخاصة به على موقع الفيديوهات الشهير يوتيوب.

تحيا مصر يرصد موعد طرح أغنية عاملة ايه للفنان رامي جمال.

أغنية عاملة ايه

أغنية «عاملة إيه» من كلمات أحمد العزب، وألحان أحمد العدل وتوزيع إلهامى دهيمة وأحمد حسام

ونشر الفنان رامي جمال البوستر الدعائي لأغنيته الجديدة «عاملة إيه» وعلق:«استنوا أغنيتي الجديدة عاملة إيه 6 فبراير على قناتي الرسمية بيوتيوب، دي أول خطوة ليا من إنتاج شركتي دعمكم وحبكم هما اللي يفرقوا زي ما دائما كانوا فارقين».

رامى جمال يراهن على موهبة أحمد سالم

يذكر أن رامى جمال يراهن على موهبة أحمد سالم إذ كشف رامى جمال: "أنا حبيت صوت أحمد جدا، الناس اتهمتنى إنى عايز أركب التريند، رغم إنى شيرت الفيديو بتاعه قبل ما حد يشوفه، قلت لمراتى الصوت ده حرام لو معملتش ليه حاجة".

وأضاف: "أنا بسدد فى أحمد دين عليا.. فيه ناس دعمتنى فى بداياتى، أنا هشتغل معاه أغنيتين، وأحمد فيه شركات كتير عارضة عليه الإنتاج لكنه يثق بى".

وعن خوفه من فشل التجربة قال: "فى البداية سألت أحمد لو مانجحناش، هتعرف تشتغل شغلانتك تانى؟ وكان رده هرجع أشتغل عادي جدا".

وتابع: "أنا مش شركة إنتاج، بس بعتبر أحمد زى أخويا الصغير، وممكن أتحمل مصاريفه لغاية ما ينجح.. عشمى فى ربنا إنه يكسر الدنيا.

رامي جمال في سهرانين

حل المطربان رامى جمال ونداء شرارة، ضيفين فى برنامج "سهرانين" تقديم النجم أمير كرارة، والمذاع على قناة ON، حيث بدأ الحلقة بغناء أغنية "سقف" وسط تفاعل الجمهور الحاضر خلال الحلقة.

وعلق رامى جمال على "كوميكس" أغنية سقف، وقال: "حظنا إن كورونا انتشرت بعد طرح الأغنية بـ 20 يومًا، وحظنا كان حلو إنها كانت بتتسمع فى البيوت، والحظ الوحش إنى لم أستفد بوقت نزولها إنى اشتغل بيها لايف فى حفلات".

وأضاف: "مكنتش عاوز أنزلها فى الألبوم، أول لما سمعتها قلت لمؤلف الأغنية عندى تحفظ على (طعمها سكرى وزى الملبن الطرى)، ورد: عاوز يبقى قريب من الناس شوية، وبعد كدة سمعتها لتوما وياسر خليل، وقالولى: لازم تبقى زى ما هى، وصدقتهم قالولى عاوزين نصورها مش مجرد أغنية تتحط فى الألبوم".

وتابع: "اشتغلت مع توما كتير وأنا أول ملحن أشتغل مع توما.. أعرفه من 2002، لما كان بيغنى كورال، اتقابلنا فى مكتب مصطفى قمر، وقال لى أنا بوزع وأنا أصلا كنت فى بدايتى، وعملنا أول أغنية اللى هى خلص الكلام فى ألبوم حماقى عام 2006، ومن وقتها وهو وش السعد على كل اللى بيشتغل معاه".