مسلم وحودة بندق يتصدران التريند بـ "أنا العلاج" | فيديو

تصدر كلًا من حودة بندق ومسلم تريند موقع الفيديوهات يوتيوب بعد طرح أحدث أعمالهم الغنائية بعنوان “أنا العلاج” من إنتاج سلطان الشن.

تحيا مصر يرصد لكم تفاصيل أغنية أنا العلاج 

أغنية أنا العلاج تريند يويتوب

وحققت الأغنية حوالي 505 الف مشاهدة بعد 72 ساعة من طرحها عبر القناة الرسمية للمنتج سلطان الشن بيوتيوب.

واستحوذت الأغنية على تريند رقم 4 بيوتيوب، وجاءت التعليقات عليها: جامد، عاش اوي، المهرجان جامد جامد، وغيرها من التعليقات.

كلمات أغنية أنا العلاج 

وتقول كلمات الأغنية: 

تنكشني صعب بس أنا بموت في ده
الدنيا واقفة بس واقفة عليكوا لا
بروح وباجي و بمزاجي في أي وقت
طب بص ليا وبص ليك أكيد في فرق
أكيد في فرق
أنا العلاج للمزاج لو مش حاببني
عادي بهواك
تبعد تغور سايبك تقول
صاحب العمارة وإنت عايش الدور

إللي يمشي عادي يمشي
شوفت منكوا ياما
مش لازمني إنت يابني
عشرة الندالة
شوفوا حالكوا مش فاضيلكوا
يلا بالسلامة
طب بالسلامة بالسلامة سكه ضاله صحبه عله
فيها عيوب خطيرة
إنت غلطة الاونطه
جت معاك كبيرة
قلبه جابه وباع صحابه
جتك ألف نيلة
إنت نيلة جتك ألف نيلة
أدبح يا حريقة

تتحدوا مين يا محدثين أنتوا ابتديتوا وإحنا راجعين
تقيل عليك وماليش شريك
بلعبها سولو بطريقة شيك
ده شافني داخ وعمل بلاغ
الفرق بينا تشغيل دماغ
خطير خطير هاتوا الكبير
يلعب معايا لا ده مستحيل

إللي يمشي عادي يمشي
شوفت منكوا ياما
مش لازمني إنت يابني
عشرة الندالة
شوفوا حالكوا مش فاضيلكوا
يلا بالسلامة
طب بالسلامة بالسلامة
شن شنو اتجنوا منه أصله ده الفخامة
هوه جامد غصب عنه هي دي الزعامة
برودكشن بس اكشن وانتوا بالسلامة
بالسلامة ايوه بالسلامة

أسباب اعتزال مسلم

وكان قد كشف مسلم عن الأسباب وراء إعلان اعتزاله الغناء في الفترة الأخيرة، حلال لقائه مع ياسمين عز حيث قال مسلم: “كان عليا ضغط كبير أوي في حتة النقابة وكنت داخل في سنتين أغانيا شغالة في مصر جدا ومسمعة برا مصر في الخليج والوطن العربي ومكنتش بنزل أشتغل عشان مفيش تصريح نقابة عشان الجيش وأنا 21 سنة”.

وتابع: “وكان عليا ضغط بردو في حتة الانتاج ودا أثر عليا نفسيا لان انا اللي كنت بكتب لنفسي وحتة ان انا اكون حر كانت مأثرة في نفسيتي، ولسه مخلصتش نفسي من التعاقد، وقولت أن أنا مش هرجع إلا لما أظبط حالي وأول لما حتة النقابة اتحلت لما دخلت الجيش وامتحنت في النقابة ونجحت واخدت الكارنيه”.