حجاج عبد العظيم عن علاء ولي الدين: كنا بنقسم السندوتش.. وعشرة عمري

تحدث الفنان حجاج عبد العظيم عن علاقة صداقته بالفنان علاء ولي الدين، وذلك خلال حلوله ضيف ببرنامج كلام الناس مع ياسمين عز. 

تحيا مصر يرصد لكم تصريحات حجاج عبد العظيم 

حجاج عبد العظيم: علاء ولي الدين عشرة عمر 

وقال حجاج عبد العظيم عن علاء ولي الدين: اخويا وحبيبي وعشرة عمر ولسه محتفظ بجلابية كان بيلبسها لما بيجيلي وتعب جدًا في حياته وكنا بنقسم السندوتش انا وهو. 

وتابع: لحد ما ربنا كرمه وهو يستاهل، لأنه كوميديان بالفطرة وكان بيحب الاكل جدًا واخر مرة كلمني اما كان بيعمل العربي تعريفة وقالي انا هعمل الفيلم ده وهبطل وهقعد في المدينة المنورة وتيجي تبوس ايدي وتقولي ادعيلي يا عم علاء، وجه من البرازيل كلمني ودبح ونام مصحيش.

حجاج عبد العظيم وقلة أعماله الفنية 

وقال حجاج عبد العظيم مازحًا عن سبب قلة أعماله الفنية: بقوم متأخر وعقبال ما بقوم بتكون الادوار اتوزعت ولموا الكاميرات. 

وتابع: انا موجود وبشكل كويس، وموجود على ON E بعمل جروب الماميز، والمسألة مسألة انتقاء والإطار الفني وبدوري اللي بختاره.

تصريحات أخرى لـ حجاج عبد العظيم 

وعن أهمية مقارنة الماديات بأدواره الفنية، قال: محدش وانت بتمثل يعرف في جيبك كام بس يعرف انت عملت ايه، وانا احيانًا بتنازل ماديًا في ادوار عشان بجيب منتج لقدام وبكسبه. 

ورد على العديد من الشائعات التي يتداولها رواد السوشيال ميديا عليه، قائلًا: لو انا كنت كده مكنتش اشتعلت كم الاعمال دي كلها، انا بخلص مشاهدي واقعد مع المخرج وبهزر ومفيش ممثل يتغر على مخرج او مخرج يتغر على ممثل، لان الممثل ده ترشيح المخرج. 

وعن السوشيال ميديا وبالأخص الفيسبوك قال: مسميه الفيس بوق لأن كل واحد بيبوق ونزل الابلكيشن ده عشان يشارك وكل واحد عنده بوق كان لازم يتكلم. 

حجاج عبد العظيم وأبنائه

وقال عبد العظيم خلال نفس الحلقة: ولادي صحابي، وعلاقتنا بسيطة وسهلة وصريحة، كان في ٣ اعلام وقالي عايز امثل وكلمت اشرف زكي وخد بكالوريوس معهد فنون مسرحية وحققلي حلمي ولما روحتله المعهد ولاقيته بيمثل بكيت، وانا مبسوط بيه وبيساعد نفسه. 

وعن نجلته قال: دنيا خلصت اعلام واشتغلت ميك اب ارتيست، وانا كنت بشتغل في حاجات بعيدة خالص قبل التمثيل ولما لاقيت نفسي مطلوب في التمثيل يبقى لازم اهتم بيه، وبنتي اختارت وخدتها في الاخر عشان تحترف دراستها قالتلي انا مش حابه، لكن لما بتجمل وش وعنين لاقيت نفسها فيه.