حجاج عبد العظيم عن أبنائه: هما صحابي.. واللي مخلفش بنات مخلفش

تحدث الفنان حجاج عبد العظيم على علاقته بأبنائة خالد ودنيا، وذلك خلال لقائه ببرنامج كلام الناس مع الإعلامية ياسمين عز بقناة إم بي سي مصر. 

تحيا مصر يرصد لكم تصريحات حجاج عبد العظيم  

حجاج عبد العظيم عن نجله خالد: مبسوط بيه وبيساعد نفسه

وقال عبد العظيم: ولادي صحابي، وعلاقتنا بسيطة وسهلة وصريحة، كان في ٣ اعلام وقالي عايز امثل وكلمت اشرف زكي وخد بكالوريوس معهد فنون مسرحية وحققلي حلمي ولما روحتله المعهد ولاقيته بيمثل بكيت، وانا مبسوط بيه وبيساعد نفسه. 

حجاج عبد العظيم عن نجلته دنيا 

وعن نجلته قال: دنيا خلصت اعلام واشتغلت ميك اب ارتيست، وانا كنت بشتغل في حاجات بعيدة خالص قبل التمثيل ولما لاقيت نفسي مطلوب في التمثيل يبقى لازم اهتم بيه، وبنتي اختارت وخدتها في الاخر عشان تحترف دراستها قالتلي انا مش حابه، لكن لما بتجمل وش وعنين لاقيت نفسها فيه. 

حجاج عبد العظيم والبكاء في زفاف نجلته دنيا

وعن زفاف دنيا الذي تصدر التريند خلال الفترة الماضية، قال: اللي مخلفش بنات مخلفش، والبنوتة دي مخدة تانية غير الأولانية غير بتاعت الزوجة وحاجة ربانية ومفيش بيني وبينها أي مصلحة. 

وتابع: بتكلمني كلت؟ تقلت! صوتك تعبان لازم تنام، وحسيت اليوم ده اني هتحرم من الحالة دي وانا متطمن عشان هي راحت لراجل شبه حجاح هيعرف يدلعها ويحترمها ومقدر البيت اللي خدها منه ومتربي.

حجاج عبد العظيم والكافية الخاص به 

وعن فكرة الكافية، قال الفنان حجاج عبد العظيم: ابني اللي عرض عليا موضوع الكافيه واقترح عشان طلبة المعهد زمايله ويقعدوا هناك وعشان انا عانيت من اختيار ادواري ف يبقى في سند، وممكن يفشل وهو فشل لإن في مشاريع بتتعمل قدامه وكورونا. 

وعن السرقة التي تعرض لها الكافية، قال عبد العظيم: حرامي في نهار رمضان الساعة ٧ لاقيت الشاشات كلها اتشالت وشوفناه على الكاميرا وبينقل الحاجات زي ما بيكون بينقل حاجة بنت خالته، وعملت مكافأة للي يقبض عليه وبقوله يا ريت يا حرامي نقعد مع بعض نشرب كوباية قهوة.