حجاج عبد العظيم عن سرقة الكافية الخاص به: نفسي اشوف الحرامي ونشرب قهوة

تحدث الفنان حجاج عبد العظيم عن الكافية الخاص به، بالإضافة إلى تفاصيل السرقة التي تعرض لها، وذلك خلال لقائه مع ياسمين عز في كلام الناس. 

تحيا مصر يرصد لكم ابرز تصريحات حجاج عبد العظيم

حجاج عبد العظيم: ابني اللي عرض عليا افتح كافية

وعن فكرة الكافية، قال: ابني اللي عرض عليا موضوع الكافيه واقترح عشان طلبة المعهد زمايله ويقعدوا هناك وعشان انا عانيت من اختيار ادواري ف يبقى في سند، وممكن يفشل وهو فشل لإن في مشاريع بتتعمل قدامه وكورونا. 

سرقة كافية حجاج عبد العظيم 

وعن السرقة، قال: حرامي في نهار رمضان الساعة ٧ لاقيت الشاشات كلها اتشالت وشوفناه على الكاميرا وبينقل الحاجات زي ما بيكون بينقل حاجة بنت خالته، وعملت مكافأة للي يقبض عليه وبقوله يا ريت يا حرامي نقعد مع بعض نشرب كوباية قهوة. 

حجاج عبد العظيم لـ ياسمين عز: فين صلعة حجاج.. وبراحة على الناس 

وعبر حجاج عبد العظيم بطريقة مازحة عن غضبه من ياسمين عز لعدم دمجه بين اسماء حلويات الرجال، قائلًا: مكنتش جاي وكنت زعلان منك جدًا فين صلعة حجاج مع صوابع محمد، ووانا جاي مراتب بتقولي اتفضل الشراب يا منقرع، سيبي الناس في حالها، وايه الصوت الشتوي ده!.

واضاف: براحة على الناس عشان اي بيت له خطة، وكل زوجين ليهم كتالوج، هما متأقلمين وفاهمين بعض. 

حجاج عبد العظيم وأبنائه

وقال عبد العظيم خلال نفس الحلقة: ولادي صحابي، وعلاقتنا بسيطة وسهلة وصريحة، كان في ٣ اعلام وقالي عايز امثل وكلمت اشرف زكي وخد بكالوريوس معهد فنون مسرحية وحققلي حلمي ولما روحتله المعهد ولاقيته بيمثل بكيت، وانا مبسوط بيه وبيساعد نفسه. 

وعن نجلته قال: دنيا خلصت اعلام واشتغلت ميك اب ارتيست، وانا كنت بشتغل في حاجات بعيدة خالص قبل التمثيل ولما لاقيت نفسي مطلوب في التمثيل يبقى لازم اهتم بيه، وبنتي اختارت وخدتها في الاخر عشان تحترف دراستها قالتلي انا مش حابه، لكن لما بتجمل وش وعنين لاقيت نفسها فيه. 

وعن زفاف دنيا الذي تصدر التريند خلال الفترة الماضية، قال: اللي مخلفش بنات مخلفش، والبنوتة دي مخدة تانية غير الأولانية غير بتاعت الزوجة وحاجة ربانية ومفيش بيني وبينها أي مصلحة. 

وتابع: بتكلمني كلت؟ تقلت! صوتك تعبان لازم تنام، وحسيت اليوم ده اني هتحرم من الحالة دي وانا متطمن عشان هي راحت لراجل شبه حجاح هيعرف يدلعها ويحترمها ومقدر البيت اللي خدها منه ومتربي.