هالة صدقي: أهلي كانوا قلقانين من دخولي الفن بسبب الصورة الوحشة للفنان وقتها

تحدثت الفنانة هالة صدقي عن تفاصيل بداية دخولها إلى المجال الفني، وذلك خلال ندوتها اليوم التي أقيمت على هامش تكريمها من مهرجان الأقصر للسينما الإفريقية.

تحيا مصر يرصد تفاصيل تصريحات هالة صدقي بالأقصر

حيث قالت هالة: “أنا كان نفسي من وأنا صغيرة خالص أن أنا ادخل معهد الباليه لكن للأسف سني مكانش مناسب، وأهلي مرضيوش عشان لقوا أني هضيع سنتين أو تلاتة لكن كان عندي هدف أني عايزة أمثل”.

بداية هالة صدقي الفنية

وتابعت: “وبعدين جت الفرصة مع الأستاذ نور الدمرداش فيه لا يا ابنتي العزيزة لأني كنت بلعب سباحة وهو كان بيدور على واحدة بتلعب سباحة، واتعرفت عليه بالصدفة”.

واستكملت: “وأقنعت أهلي أني هعمل عمل واحد بس من نفسي.. وأهلي كانوا متحفظين لأنه الفكرة اللي كانوا واخدينها من الإعلام على أن الفنانات عايشين حياتهم بالطول وبالعرض ولازم يبقوا بيشربوا ومش كويسيين.. وكان الأفلام العربية بتاعتنا القديمة وقليل من الإعلام كانوا بيدوا صورة وحشة للفنان ودا كان بيقلقهم”.

هالة صدقي تتحدث عن المسرح

وفي الندوة ذاتها، تحدثت الفنانة هالة صدقي عن رأيها في حال المسرح المصري في الفترة الحالية، حيث قالت: “أنا عاشقة للمسرح وبحب المسرح جدًا ومتمنية جدا، وفي الفترة الأخيرة كان فيه عروض مسرح كتير فعلا، لكن دا مش مسرح، أنا حاسة أننا بنروح نعمل اسكتشات ”.

وتابعت: “وحتى لو فيه جمهور للفن المصري والفنانين المصريين، لازم يبقى فيه شوية تنظيم للفرق المسرحية اللي بتسافر تعرض في البلاد العربية لأن في الأخر دي اسمها فرق مصرية”.

وأضافت: “مهم أوي اننا نعرف احنا بنقدم ايه، وكيس اننا نستغل فرصة أن فيه جمهور عايزنا وجمهور حابب يتفرج علينا بس هو المهم احنا بنقدم ايه ”.

تصريحات هالة صدقي عن تكريمها بالأقصر

وفي وقت سابق، أعربت الفنانة هالة صدقي عن تكريمها في مهرجان الأقصر للسنما الأفريقية الذي أقيم مساء أمس في مدينة الأقصر في دورته الـ 12، وذلك بحضور عدد كبير من نجوم الفن.

وقالت هالة صدقي خلال لقائه مع الإعلامية بوسي شلبي: أنا كان عندي تكريم في مهرجان قرطاج بس تكريم الأقصر طعم تاني ده في أهم بلد في العالم، ومصر أهم واغلى بلد في العالم كله.