سالي عبد السلام: إعلان مرضي مش حاجة سهلة عليا.. واتقهرت لما عرفت بالإصابة

كشفت المذيعة سالي عبد السلام عن السبب الذي دفعها للإعلان عن إصابتها بمرض الثعلبة، وذلك من خلال لقاءها اليوم ببرنامج “كلمة أخيرة” مع الإعلامية لميس الحديدي.

تحيا مصر يرصد تفاصيل تصريحات سالي عبد السلام عن مرضها

حيث قالت “عبد السلام”: “هي مش سهلة، وأنا قعدت أفكر هو أنا ممكن أوعي الناس ازاي.. الناس دايما شايفانا مبسوطين ومرتاحين، فقولت أنا هكتب ولأني شوفت أطفال في نفس الحالة”.

اكتشاف سالي عبد السلام إصابتها بالثعلبة

أما عن كيفية اكتشاف إصابتها بالمرض قالت: “أول مرة اكتشفت المرض كنت في الكوافير كان عندي فرح أخويا بعدها بيومين، فبتاع الكوافير قالي روحي لدكتور، لما روحت وريت لمامتي شعري فضلت ساكتة وصورته ليا لقيت 5 دواير فاضية من الشعر وحسيت بقهرة”.

وتابعت: “وأول لما قومت من المرض روحت 57357 لقيت واحدة جمبي عندها 17 سنة بتقولي تفتكري هتجوز بعد ما شعري كله وقع ؟، وقولتلها طبعا هتتجوزي”.

إصابة سالي عبد السلام بالثعلبة

وفي وقت سابق، أعلنت المذيعة سالي عبد السلام إصابتها بمرض الثعلبة للمرة السابعة في 5 سنوات فقط، مطالبة الجمهور والمتابعين بالدعاء لها، وذلك من خلال منشور لها عبر حسابها الشخصي على موقع تبادل الصور والفيديوهات “إنستجرام”.

حيث نشرت سالي مقطع فيديو لها أثناء تلقيها جرعات العلاج، وعلقت عليه قائلة: “دخلت الدوامة دي تانى !!! مرض الثعلبة وخلل المناعة للمرة السابعة في ٥ سنين .. سبحانك يا رب”.

وتابعت: “يا دوبك لسه مخلصة علاج وكورتيزون وحاولت أخس تاني وارجع أعالج شعري من الصيف!!.. في ٥ شهور تعافي بعد ما تتعالج تطلع تاني بالسرعة دي ودي أول مرة تحصل”.

سالي عبد السلام توجه رسالة شكر للجمهور بعد حفل زفافها

وعلى الصعيد الآخر، أعربت الإعلامية سالي عبد السلام عن سعادتها البالغة بـ زواجها من المقدم مؤمن الباز، اذ احتفل الثنائي بـ حفل زفافهم بحضور نخبة من نجوم الفن والإعلام.

شاركت سالي عبد السلام الجمهور صورة جديدة عبر حسابها الرسمي بموقع تبادل الصور والفيديوهات انستجرام، وعلقت عليه، قائلة: “الحمدلله الذى تتم بنعمته بالصالحات ماشاء الله اللهم بارك، لما يتقالى مصر كلها فرحنالك ده رزق، لما الناس دى كلها اللى بحبها تيجى ده رزق، كل واحد عمل شغله بحب فى الفرح ده رزق.. ان يتقالى قفلتى الجيزة كلها ومفيش مكان فى باركينج الاوتيل الناس بتركن برا صف تالت عشان تجيلكوا ده رزق واحنا اسفين”.