ليلى زاهر تشيد بـ هشام جمال: راجل محترف جدًا.. وأنضف أخ في الدنيا

حرصت الفنانة الشابة ليلى أحمد زاهر على توجيه رسالة شكر للفنان هشام جمال، بعد إخراجه كليبها الأخير، وذلك من خلال منشور لها عبر حسابها الشخصي على موقع تبادل الصور والفيديوهات “إنستجرام”.

تحيا مصر يرصد تفاصيل أحدث منشورات ليلى زاهر عبر إنستجرام

حيث نشرت “زاهر” صورة لها رفقة هشام جمال، وعلقت عليها قائلة: “أنا ياما قلت أنك دايما بتكون سبب في أي نجاح نجحته أو بنجحه في حياتي بعد ربنا لكن المشروع ده أنا عايزة أشكرك عليه بشكل خاص قدام كل الناس لأني أول ما سمعتك الأغنية عشان أخد رأيك كنت مبسوط وفخور بيا جداً”.

ليلى زاهر تشكر هشام جمال

وتابعت: “لأنك أول واحد وقفني قدام مايك وأول لما طلبت منك أنك تخرجلي الكليب ما ترددتش للحظة رغم أنك كنت مشغول قوي ووراك ٣٠٠٠ حاجة ما شاء الله ومع ذلك مقصرتش معايا ولا مع الكليب لحظة وكل حاجة خدت حقها الحمد الله وده يدل علي انك راجل محترف جداً في الشغل وعلى المستوى الإنساني أخويا وأقرب صديق ليا اللي دايماً بيشجعني وفي ظهري”.

واختتمت: “شكرًا يا هشام على كل لحظة اديتها للكليب ده من جوه قلبك والحمد لله الرسالة الفنية اللي أنت قدمتها في الكليب وصلت لناس كتير الحمد لله شكرًا يا أجدع وأنضف أخ في الدنيا وربنا يكرمك يارب في كل أعمالك الجاية و يارب دايماً ناجح”.

أغنية “كلمة أخيرة”

ومن الجدير بالذكر أن ليلى زاهر طرحت فييو كليب جديد لها بعنوان “كلمة أخيرة” عبر قناتها الرسمية على موقع الفيديوهات العالمي “يوتيوب”، وقد حققت الأغنية منذ طرحها وحتى الآن أكثر من 300 ألف مشاهدة.

وجاءت الأغنية من كلمات : محمد حسن، ألحان و توزيع : إسلام زكي، وتقول كلماتها: أنا من زمان خوفتنى هزيتلى ثقتى وسبتنى جيتلك عشان كان نفسى أعيش وأنا جيا أعيش .. موتنى بقى دى النهاية وده اللى بتحاسب عليه ؟ أنا من زمان خوفتنى ولغيت مشاعرى هزمتنى إزاى هقول .. وبأى عين شوفتك ف يوم بتحبنى جاوب سؤالى وقولى مره كسبت إيه ؟".

كلمات أغنية “كلمة أخيرة”

“حكايات وعود مين اللى قال .. مش برضه كان إحنا مين اللى علقنا ف غرام .. و أذانا و جرحنا حكايات وعود مين اللى قال .. مش برضه كان إحنا لو كان راحتنا ف الفراق .. ده ياريته ريحنا و نهاية حبى فيك فى كلمة أخيرة ليك محتاجه أنام .. وأصحى ف يوم ألاقي قلبى نسيك”.