ساندي: كنت برضي شخص على حساب نفسي وكلام الناس قتلني وروحي ماتت

تحدثت الفنانة ساندي عن عودتها للوسط الفني خلال الفترة الماضية، وذلك بعد غيابها لمدة طويلة عن الساحة الفنية، كما تحدثت ساندي عن فترة زواجها.
تحيا مصر يرصد لكم تصريحات ساندي

وقالت ساندي خلال استضافتها في برنامج لايت شو الذي يعرض عبر قناة الحياة: مبقتش بهتم بأراء الأشخاص ومش تقليلًا من الناس بس عشان النس هتحبني باللي بقدمه ولو ركزت مع كل رأي مش هيبقى ليا صورة خاصة بيا وهبقى على مزاج الناس.

وتابعت: أنا بحب أعمل حاجات عكس المتعرف عليها وأبقى منفردة بيها، وأنا ببقى مميزة دايمًا وعندي بعد نظر عن اللي هيحصل.

ساندي: كنت برضي شخص على حساب روحي

كما تحدثت ساندي عن فترة زواجها وقالت: في حقبة في حياتي وقعت مني وكانت أوحش حاجة عملتها اني برضي حد على حساب روحي ونفسي وأنا مكنش بيفرق معايا كلام الناس لان دايما ربنا شايفني.

وفي فترة مكنتش حابة نفسي فيها وكنت بحب شخص وبرضيه على حساب روحي ونفسي وسعادتي وكنت تايهه الفترة دي ودي أوحش فترة أنا مريت بيها في حياتي.

ساندي: كلام الناس قتلني وروحي ماتت

وأضافت: كان بيوصلي كلام الناس، وكلام الناس قتلني ومن كتر كلام الناس كنت عايزة أهرب  وروحي ماتت، وده درس ليا وبقول للناس متخليش حد يغيرك  اللي بيحبك لازم يحبك زي ما أنتي حتى بعيوبك وعصبيتك.

وكشفت ساندي: مفيش حاجة اسمها حظ في الشغل أو في النجاح واحنا اللي بنحط الفكرة وبنقرر هننجح ولا.

أخر أعمال ساندي

وكانت أخر أعمال المطربة ساندي هي أغنية الحالة  الحالة، والتي طرحتها عبر قناتها بموقع الفيديوهات الشهير يوتيوب، وحققت الأغنية نجاحًا كبيرًا.

كلمات الأغنية

أنا بتوتر
لما بروح في مكان عارفة إني هشوفك فيه 
وأفضل أفكر
هلبس إيه ؟ وهقول لك إيه ؟ وإزاي شوقي هخبيه؟

خايفة الجو يحرر إيه خايفة الدنيا تمطر
خايفة إني أوصل بدري شوية وخايفة عليك أتأخر
وأما بشوفك قلبي بيرقص بتشقلب حالي
بتحركني من غير مجهود إنت بضحكني
وعينيك السود من نظرة بتربكني
وتخلي حالتي حالة حالتي حالة

والحالة، الحالة تفضل شغالة 
وعيني تقول لك يا حبيبي تعالى
وتعالى إلحقني بحرك غرقني 
وبلاش الثقل ده لا لا لا

والحالة، الحالة تفضل شغالة 
وعيني تقول لك يا حبيبي تعالى 
وتعالى الحقني بحرك غرقني
وبلاش الثقل ده لا لا لا

أنا بستغرب
وأنا قدامك ليه ضحكتي من ودني لودني
ليه ليه إنت شاددني 
ليه من الدنيا واخذني
خايفة الجو يبرد خايفة خدودي تورد 
آه من خوفي قلقي كسوفي وإمتى عليه هتمرض

والحالة الحالة تفضل شغالة
وعيني تقول لك يا حبيبي تعالى
وتعالى إلحقني بحرك غرقني
وبلاش الثقل ده لا، لا، لا

والحالة، الحالة تفضل شغالة
وعيني تقول لك يا حبيبي تعالى 
وتعالى الحقني بحرك غرقني وبلاش الثقل ده لا لا لا

وأما بشوفك قلبي بيرقص، آه بيرقص
آه قلبي بيرقص بتشقلب حالي
بتحركني من غير مجهود إنت بضحكني
وعينيك السود من نظرة بتربكني 
وتخلي حالتي حالة حالتي حالة