هاني رمزي: اسم فيلم عمر المحتار عملي مشاكل مع الشعب الليبي واتمنيت امثل بسبب مسرحية شاهد ماشافش حاجة

كشف الفنان هاني رمزي عن الانتقادات التي واجهته في اسم فيلمه عمر المحتار، وتحدث عن العلاقة التي تجمعه بالفنان عادل إمام.

تحيا مصر يرصد لكم تصريحات هاني رمزي

وقال هاني رمزي خلال استضافته في برنامج حبر سري والتي تقدمه الإعلامية أسما إبراهيم والذي يعرض عبر قناة القاهرة والناس: اسم فيلم عمر المحتار عملي مشكلة مع الشعب الليبي وأنا مكنتش أقصد أي حاجة وغيرت اسمه.

وتابع: كانت عبارة عن فكرة والأحداث اللي بيقع فيها البطل بيحتار فيها والبطل اسمه عمر وملهاش علاقة بالقائد عمر المختار ومكنش فيه سخرية ولما اكتشفت أن في استياء اعتذرت وتم تغيير اسم الفيلم وكشف: كتابة الفيلم خدت سنة وأكتر واستقرينا على اسم شقاوة أونلاين وهو اسم مؤقت وشركة الانتاج هتختار الممثلين والمخرج وهنبدء تصوير قريبًا.
وعن مشاركته في فيلم 200 جنيه وتقديم دور دراجيدي قال هاني: أنا جوايا ممثل مش كوميديان بس وأنا عملت حاجات دراجيدي وأنا كنت حابب الدور.

هاني رمزي وعلاقة صداقته بعادل إمام

وتحدث هاني رمزي عن علاقة الصداقة القوية التي تجمعه بالزعيم عادل إمام وقال: عادل إمام فريد من نوعه ورمز من رموز الفن العربي وعنده كاريزما وهو زعيم في كل حاجة في تفكيره وقعدته وهو شخص بسيط رغم أنه نجم كبير وعنده تواضع

وأضاف: قبل ما اشوفه كنت بعمل دور في مسلسل اسمه اللص الذي احبه ولقيت عادل إمام بيكلمني في التلفيون وقالي أنا مبسوط من دورك وجبت تليفونك وكنت عايز اقوله ده كتير عليا وحلم من إحلامي أقابلك وأمثل معاك 
واستكمل:أسرتي بقت صديقة أسرته وهو العلاقة بينا كبيرة واتعلمنا منه كتير، وهو كريم جدًا في بيته ومش بيقدر يقعد لوحده وكل سنه بيجمعنا في الساحل الشمالي عنده، وهو دمه خفيف وبيقعد يحكلنا عن ذكرياته.

هاني رمزي: اتمنيت أدخل عالم التمثيل بسبب مسرحية شاهد ماشافش حاجة

وكشف هاني رمزي أنه تمنى أن يدخل عالم التمثيل بسبب مسرحية شاهد ماشافش حاجة وقال: اتمنيت أمثل بسبب مسرحية شاهد ماشافش حاجة، وكنت رايح اشوف المسرحية مع والدي ووالدتي وكان في بنت وولد بيمثوا مع عادل إمام واتمنيت أبقى زيهم، وبعد سنين قابلت الولد ده وقالي أنا السبب في دخولك مجال التمثيل.

تشابه اسمه مع اللاعب هاني رمزي

كما كشف هاني رمزي أنه كان يوجه العديد من المشاكل بسبب تشابه اسمه مع اللاعب هاني رمزي، وروى موقف مضحك حدث له بسبب تشابه الاسم.

وقال هاني رمزي: في برنامج الليلة مع هاني بعتوا لحد وافتكر أنه رايح للعيب كورة وهو مكنش شافلي أفلام و في وسط الحوار قالي هو أنت لما تشوط صح وتدخل جون كل الناس بتحتفل حد واشمعنا لما أنا بعمل كده مفيش حد بيكلمني

وتحدث هاني رمزي عن علاقته بزوجته وقال: مراتي بتتخانق معايا لأسباب تافه كتير وبتزعل أوي لو قولتلها الأكل مش حلو وعملتيها أحلى قبل كده.

كما كشف هاني رمزي أنه يُحدد آجره في الأفلام على حسب نجوميته، موضحًا: شركات الإنتاج كلها بتتعامل على أن الدولار بخمسة جنيه واشمعنا الممثل بتتعاملوا على أنه بخمسه جنيه والرحمة حلوة وفي ناس مش بترحم والناس فاكرة أننا بنقبض فلوس كتير.