منى فاروق: الراجل أصغر طفل في العالم وهعمل لجوزي محشي

تحدثت الفنانة منى فاروق عن الرجل المصري، كما وصفته بأنه أصغر طفل في العالم، كما كشفت منى أنه لا تحتاج إلى رجل في حياتها خلال الفترة الحالية.

تحيا مصر يرصد لكم تصريحات منى فاروق

وقالت منى فاروق في تصريحات لموقع تحيا مصر: الراجل أصغر طفل في العالم وهو طفل كبير وطول عمره بيدلع في بيت أهله  ولما بيكبر وبيتجوز بيكون عايز ماما في مراته.

وتابعت منى فاروق: أنا عايزة راجل يكون بيحبني أكتر ما أنا بحبه عشان يستحملني أكتر ما يحبني أكتر.

وكشفت منى فاروق: أنا هعمل محشي لجوزي ومش هعمله كيكة بالبرتقال لأنها مش هتغذيه، أنا عايزة جوزي يتغذى.

وأوضحت منى فاروق في تصريحاتها أنها لا تحتاج إلى رجل في حياتها خلال الفترة الحالية، بينما تحتاج إلى العمل أكثر موضحة: أنا محتاجة اشتغل أكتر ومش محتاجة راجل في حياتي.

منى فاروق: كلمة على الله حكايتك جميلة وياريت ربنا يبقى معانا طول الوقت

وقالت منى فاروق: الناس بتفتكر أن كلمة على الله حكايتك أنها كلمة وحشه بس هي كلمه حلوة وربنا هيدبرله آمره ودي كلمه حلوة وياريت يبقى ربنا معانا طول الوقت.

تصريحات منى فاروق

وسبق وكشفت منى فاروق عن حقيقة ارتباطها باللاعب إمام عاشور، ونجل الفنانة وفاء عامر، وقالت منى في تصريح لموقع تحيا مصر:عمر فوقي ابن الفنانة وفاء عامر هو اصغر مني بسنين كتير جدًا وشوفته صدفة في الساحل واتصورنا صورة بقت تريند.. وساعتها نزلت معاه فيديو على الأكونت بعد الإشاعة عشان أاكد إن مفيش حاجة.

منى فاروق وشائعات ارتباطها بـ نجل وفاء عامر وإمام عاشور

وأما عن شائعات ارتباطها بـ إمام عاشور قالت منى مازحة: ارتبطت بسبعة السنة اللي فاتت، لا مرتبطش بإمام عاشور طب معزمونيش ليه، وإمام عاشور لاعب محترم وأصغر مني على فكرة، وعارفاه من صحاب مشتركين، وشخصية جميلة وخطب دلوقتي وبقوله الف مبروك، و كنا في كافية بتاع كريم عبد الخالق الممثل ومخطوبين في الأب الروحي وكريم صديق إمام عاشور وفي حفلة رمضانية في رمضان اللي فات واتصورنا صورة عادية، وكان في حد بيصور فيديو من بعيد حاجة مش لذيذة خالص وطلع تريند.

وتابعت منى: لكن كريم أخويا وإمام أخويا لما اتعرفت عليه عن طريق كريم والحضري ده أخويا الكبير، والناس دي كلها بتعاملني بحب واحترام، فـ بستغرب اني انزل حاجة والناس تقول مرتبطة، والناس شكت إني مرتبطة بإمام من خلال الصورة دي بس الحقيقة مفيش صورة تربطنا ببعض أنا وهو.