منى فاروق توجه رسالة لـ ياسمين عز: أنتي ست زينا براحه علينا شوية

وجهت الفنانة منى فاروق رسالة إلى الإعلامية ياسمين عز، كما تحدثت منى فاروق عن السيدات في مصر وعن رأيها في برنامج ياسمين عز.

تحيا مصر يرصد لكم تصريحات منى فاروق

وقالت منى فاروق في تصريحات لموقع تحيا مصر: أنا مش بتابع ياسمين عز  ومش بتفرج عليها، بس أنا مع رضوى الشربيني عشان بتحس بينا وبتتكلم  في حاجات تخصنا.

منى فاروق توجه رسالة لـ ياسمين عز

ووجهت منى فاروق رسالة لـ ياسمين عز وقالت: أنتي ست زينا براحة علينا  شوية وخليكي في صفنا عشان كلنا بنات  مينفعش نبقى في صف الرجالة بس.

وتابعت منى فاروق: الست المصرية أحسن ست في العالم وعمري ما هقتنع أن الست نكدية أبدًا.

تصريحات منى فاروق

وسبق وتحدثت الفنانة منى فاروق عن أزمتها الأخيرة، وكشفت بعض الأمور في حياتها الشخصية، كما تحدثت منى عن والدها الراحل وكشفت عن علاقتها به، وذلك في تصريحات لموقع تحيا مصر.

وقالت منى فاروق: لما حصلي أزمة زي اي بني أدم في الدنيا ممكن يتعرض لأزمة بس الناس كلها مسمتش عليا واللي معاه سكينة بيدبحك واي حد بيدوس عليا لأن أنا معنديش ضهر بس ربنا ضهري، وربنا ابتلاني وناس كتير قدامي ظهرت على حقيقتها سواء من صحابي أو ناس قريبة مني أو من الشغل ومبقاش ليا صحاب دلوقتي وفي ناس ربنا كرمني بيهم بعد الأزمات اللي حصلتلي، وكنت بحاول أهرب من الواقع اني مفكرش فيه عشان الحياة بتوجع والحقيقة دايمًا بتوجع و أبويا لو كان عايش كان هيجيبلي حقي ومكنتش هحارب الدنيا لوحدي.

منى فاروق: أبويا مات وهو راضي عني ومكنش معترض على التمثيل

وتحدثت منى فاروق عن والدها موضحة أنها افتقدته بشكل كبير في حياتها وقالت: أبويا لو كان موجود كان هيجيبلي حقي من الدنيا كلها ومكنش هيخلي حد يزعلني وكان هيخليني واثقه من نفسي ومكنش هيخليني اتعرض لأزمات نفسية ومكنتش هحارب مع الدنيا لوحدي، و الناس طلعت أن أبويا مات غضبان عليا وده محصلش أبويا مات راضي عني وبيحبني ومكنش معترض على التمثيل ولا كان في مشاكل بينا وانا مسبتهوش و كانت روحي فيه وهو اتوفى قبل الأزمة بسنين والأزمة كانت في 2019 وأبويا اتوفى  2016.