فيفي عبده توجه رسالة للمصورين: أرفعوا الكاميرا وأنتوا بتصوروني عشان اللغد ميطلعش

وجهت الفنانة فيفي عبده رسالة للمصورين، ومازحتهم وذلك من خلال فيديو نشرته عبر حسابها بموقع تبادل الصور والفيديوهات انستجرام.

تحيا مصر يرصد لكم رسالة فيفي عبده للمصورين

وظهرت فيفي عبده في الفيديو بفلتر عروسة وقالت: أنا طالعة اقولكوا رسالة واحده بس ارجوكوا اي حد بيصورني في اي مناسبة ابقى طلع الكاميرا لفوق عشان بتطلع اللغد وبرجع متعاقدة من حياتي وأنا مش هعرف أعمل عمليات أو الحاجات دي  من فضلك ارفع الكاميرا.

فيفي عبده: أنا قمر من غير حاجة

وتابعت: أنا قمر من غير حاجة بس معرفش ايه اللي حصل واللغد جه منين اللي يخليكوا عشان خاطري وحياه عنيكوا ارفعوا الكاميرا عشان اللغد ميطلعش.

نصائح فيفي عبده للسيدات

وسبق ووجهت فيفي عبده عدة نصائح للسيدات وقالت: إوعي الراجل يروح من إيدك لو جوزك لقطة وكويس، وراجل أبو ولادك، وكسبتيه من الزمن المنيل اللي إحنا فيه، وإعملي نفسك مش عارفة، وإوعي تسمعي كلام الناس وكذبهم، ولازم تشوفي بنفسك وتبقي كسرتي عينه، لكن لما تطلبي الطلاق هيقول مع السلامة ويروح للست التانية.

فيفي عبده وتجربة الإجهاض

كما كشفت فيفي عبده أنها لجأت لإجهاض حملها في مرحلة مبكرة من حياتها، وذلك رغم الحب الذي جمع بينها وبين زوجها في ذلك الوقت، وقالت فيفي عبده: "كنت بحب جوزي وحملت منه، لكن نزلت البيبي، وأنا مش مع الإجهاض لكن كنت مضطرة، كنا في بداية حياتنا، ومقدرش أخسر حياتي أو أكون سبب يخسر حياته.

كما روت الفنانة فيفي عبده تفاصيل تجربة مرعبة عاشتها في كينيا، أثناء قيامها برحلة سفاري برفقة زوجها وشريكه وزوجته، وقالت: لبست هدوم السفاري، وجوزي وصاحبه ومراته أخذوا البنادق وراحوا يصادوا غزال، لكن أنا طلبت أنتظر في العربية لإني مش جريئة، والشخص المسئول عن حراستي مكنش معاه بندقية وكان معاه عصايه وصرخت ورجعوني مكاني في الطيارة الهليكوبتر، وجوزي رجع بينزف من مناخيره، لإنه بدل ما يضرب الغزالة بالبندقية ضرب نفسه، وطلبوا مني أنتظر في الشاليه وقفلوا الباب، وفجأة نمر نط من الشباك عندي، وكان النمر أكل صاحبه في نفس السنة، وقلبي وقف لكن عشان أنا راقصة ورياضية نطيت فوق مكان عالي النمر مقدرش يوصل له، ولما رجعت مصر طلبت الطلاق.