ياسمين نيازي: انا وشيرين والهضبة عندنا تربنة مش لسعان عادي لهذا السبب

كشفت المطربة ياسمين نيازي عن سبب ابتعادها عن الظهور، ومواصفات برجها الذي يرتبط بعدد من المشاهير، وذلك خلال حوارها ببرنامج كلام الناس. 

تحيا مصر يرصد لكم تصريحات ياسمين نيازي في برنامج كلام الناس  

ياسمين نيازي: انا حد اجتماعي جدًا وفي نفس الوقت انطوائي 

وقالت ياسمين نيازي: ممكن ابقى انطوائية عشان الواحد تعب في الشغلانة دي، نفسيات كتيرة ومشاكل كبير في حين إن أنا بدأت صغيرة، وجيت في الأخر قولت لنفسي مش خلاص فهمتي كل حاجة؟.

وتابعت: انا بحب الشغلانة دي بس مش هبقى في الدايرة بتاعتها الكبيرة اوي، انا حد اجتماعي جدًا وفي نفس الوقت انطوائي. 

ياسمين نيازي: انا برج الميزان وعندنا تربنة كبيرة 

وعن برجها قالت: وانا برج الميزان عايش على الهوا، والهضبة عمرو دياب وشيرين ومحمد منير وعندنا تربنة كبيرة مش لسعان عادي.

ياسمين نيازي: صاحبي هو كلبي  

وقالت ياسمين نيازي عن كلبها: صاحبي هو كلبي، احسن مننا بكتير في القلوب. 

وعن تفاصيل إصابتها بإلتهاب الأعصاب، قالت: التعب لما جالي، مفيش أي حاجة في عضمي بايظة والدكتور قالي ازاي تبقي في السن ده ويجيلك التهاب اعصاب، انا مبزعلش على حاجة في حياتي غير لما ابقى عاملة حاجة بضمير ومتقدرتش وكان بسبب حاجة في الشغل.

ياسمين نيازي عن مواصفات فتى أحلامها: لازم يهت الراجل اللي جوايا 

- يوم ما البس الدبلة مش عايزة اقلعها تاني

-وعادل الراجل يقولي وارشدني وحركني بس اهم حاجة تبقى سيطرت عليا وبتقول صح

-انا ست بس ظروف حياتي خلتني راجل من وانا صغيرة

-ويوم ما هيجي حد يقولي اعملي كذا ومتعمليش كذا يبقى صح

-ولازم يهتت الراجل اللي فيا

وعن مناسبة أغنية شكلك هتوحشني، قالت: مكنتش مقصودة بالنسبالي هي كانت افيه احنا لعبنا عليه وعكسنا الرؤية اللي هو انت شكلك هتوحشني.. ومكنتش تجربة بالنسبالي.

أخر أعمال ياسمين نيازي

وكانت قد احتفلت ياسمين نيازي بتخطى أحدث أغانيها بعنوان “بروحلك” الـ 3 مليون مشاهدة، وذلك بعد طرحها اسبوعين فقط. 

ونشرت ياسمين نيازي جزء من الأغنية معدل بشارك 3 مليون مشاهدة، عبر حسابها الرسمي بموقع انستجرام واحتفلت بهذه المناسبة.