دعاء فاروق تنفعل عبر "فيسبوك": أي راجل هيعلق بطريقة غير لائقة على صوري هيتهزأ وهشوطه

وجهت المذيعة دعاء فاروق رسالة شديدة اللهجة، إذ توعدت للرجال الذين يعلقون بطريقة غير لائقة على الصور، وذلك من خلال منشور عبر حسابها الشخصي على موقع التواصل الاجتماعي "فيسبوك".

تحيا مصر يرصد أحدث منشورات دعاء فاروق عبر فيسبوك

حيث كتبت "فاروق": "صباح الفل عشان نبقى على نور يا جماعة ومفيش ست تدخل تلاقي جوزها بيتهزأ عندي فتزعل.. أي راجل هيدخل يعلق بطريقة غير لائقة ويمصمص لي شفايفه على أي صور لصديقاتي أو أخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر على شكل أو حجاب أو لبس هيتهزأ قدام أمة لا إله إلا الله".

دعاء فاروق توجه رسالة شديدة اللهجة

وتابعت: "ملكش حكم غير على أهل بيتك وممنوع تدخل تنطق بحرف لا حلو ولا وحش في الحالتين بعمل بلوك.. اللي بيتغزل أو بيقول كلام مايع على شكل أو جمال بيتهزأ  ويتعمله بلوك زيه زي اللي بينظر ويدخل يحاسبني أني بتاعت البرامج الدينية ويقعد ينظر على شكل أي حد ويخرجنا من منظومة الأخلاق والدين اللي محاوطاه ومحاوطة أهله فقط".

وأضافت: "الاتنين هيتهزأوا ويتعملهم بلوك مفيش رجالة محترمة تدخل تبص وتتكلم على شكل أي ست عندي على صفحتي مهما حطيت من صور كلهم زملاء وسيدات محترمات لابسة إيه أو شكلها ايه ده مش موضوعك عشان كرامتك مش هتعرف تلمها.. أنا بتناقش مع الستات وبحاول أوصل وجهة نظري معاهم في بعض المواضيع  إنما مش بتناقش مع رجالة".

واختتمت المنشور قائلة: "الراجل اللي هيدخل يقول كلمة مش مظبوطة هشوطه أنا مش بتملق حد ولا يفرق معايا مخلوق تحاسب نفسك الأول على حياتك ونواقصك قبل ما تدخلوا تحاسبوا الناس على حاجة مش من حقكم ... اللهم بلغت".

تفاصيل دخول دعاء فاروق إلى مجال الإعلام

وفي وقت سابق، تحدثت الإعلامية دعاء فاروق عن قصة دخولها إلى مجال الإعلام، حيث أكدت على أنه تم اختيارها ما بين 250 فتاة، روت ذلك خلال لقاء لها ببرنامج “MIMIS” المذاع عبر منصات التواصل الاجتماعي المختلفة.

حيث قالت دعاء فاروق: “قدمت على الـ ART لوحدي عشان كدا بابايا كان مبسوط بيا، وجبت النمرة من الدليل وكلمتهم قولتلهم أنا عايزة أجي أشتغل عندكم، قالولي مش محتاجين لما نحتاج هنكلمك وأبقي هاتي الـ CV بتاعك".

وتابعت دعاء: “وفي يوم كنت في القاهرة ولابسة حلو ومنشيكة روحت وديت الـ CV بتاعي في اليوم دا لقيت فيه حوالي 250 بنت بتقدم بالصدفة، وساعتها مخدوش من الـ 250 بنت دول حد غيري وبنت كمان”.