ياسمين عز تغازل رجال الصعيد والمنوفية: من السادات لبركة السبع المنوفي راجل سبع

عادت المذيعة ياسمين عز لتعدد صفات الرجل المصري، ولكن هذه المرة كشفت ياسمين عن صفات الرجل المصري  في جميع محافظات مصر.

تحيا مصر يرصد لكم تصريحات ياسمين عز

وقالت ياسمين عز في برنامجها كلام الناس والذي يعرض عبر قناة أم بي سي مصر: لو متجوزة راجل منوفي يا سعدك ويا هناكي، ومش اي واحده تعجبه وخليكي عارفه لو اتجوزتي راجل من المنوفية ده انجاز لأن قراره جه بعد أيام من التحليل والمبحاثات انك الست اللي تستحقي يكمل حياته.

ياسمين عز تتحدث عن الرجل المنوفي

وتابعت: المنوفيه بلد الكرم وجوزك كريم وكل اللي في جيبه ليكي والمنوفي لا ينوفي مع البخل ويطلع اللقمة من بوقه ويدهالك وصعب تطلبي منه حاجه ويقولك لا وبيعمل المستحيل عشان ينفذ الطلب.

واستكملت: الراجل هو اللي بينور الست، وصاحب المقوله دي كان يقصد بكلامه الراجل المنوفي وتخليها تشع نور وراجل قلبه كبير ويفهمك من غير ما تتكلمي.

وأضافت: لو موجود كل رجالة الدنيا مع المنوفي في كيس تختاري المنوفي عريس، ومن السادات لبركة السبع المنوفي راجل سبع .

ياسمين عز عن صفات الراجل الدمياطي: مخلص وعينه من زايغة وكسيب

كما تحدثت ياسمين عن الرجل الدمياطي وقالت: طبية وهدوء ولذاذه وطيبين واهلها دافين والراجل الدمياطي رزق والست اللي متجوزه دمياطي محظوه وحته سكره وافيهاته حلوه وملهوش في شغل اللف والدوران وبيكره الكدب عشان كده مستحيل تلاقي دمياطي كداب.

وأضافت: بيعترف بغلطه ويطبطب عليكي والراجل الدمياطي بيحسس مراته انها ست خارقة وقادرة تعمل اللي مفيش حد يقدر يعمله وفخور بيكي وبيفخم فيكي. 
واستكملت: مخلص وعينه مش زايغه وكسيب ومعاه فلوس والصبح بيكون مهندس وبليل اسطى نقاشه، واللي تتجوز من دمياط حياتها في غاية الانبساط.

ياسمين عز عن صفات الرجل الدقهلاوي: جماله زي ملوحة فسيخ نبروه وبحر جمصة

كما تحدثت ياسمين عز عن الرجل الدقهلاوي وقالت: لو اتجوزي دقهلاوي طاقة القدر هتتفتحلك وحياتك هتبقى عز وفرح، وشبه رجالة هوليود وجماله شبه جمال ملوحة فسيخ نبروه وبحر جمصة.

واستكملت: لما تشوفي جوزك الدقهلاوي لازم تهتفي ليه وتقوليله من أجا للمنزله الدقهلاوي في أحسن منزلة.

ياسمين عز عن صفات الرجل الصعيدي: متفاهم ومش عصبيي وكلمته عقد وصباعه قلم

وتحدثت ياسمين عز عن صفات الرجل الصعيدي وقالت: اتجوزي راجل صعيدي وأنتي مغمضه لأنه هيحبك ويصونك، والدراما بتصور الراجل الصعيدي غلط بس هو متافهم ومش عصبي وبياخد رأي مراته في كل حاجة

وأضافت: الرجل الصعيدي حمش وكلمته عقد وصباعه قلم، وعينه في الأرض دايمًا وهو بيكلمك وليهم نظره رجولية جميلة فيها شموخ.
واستكملت: اللي تخلي صعيدي يحبها يبقى يا حظها ويا بختها، ولو صعيدي قالك  تتجوزيني الكلمة هتسحرك وتشفطك من حلاوتها.