ياسمين عز عن تداول الجمهور فيديو قديم لها: مكنتش مقدرة قيمة الفرعون ولما فهمت ارتحت وبقيت سعيدة

علقت المذيعة ياسمين عز على تداول الجمهور فيديو من حلقة قديمة لها من برنامجها كلام الناس أثناء استضافتها الدكتور مبروك عطية وحديثها عن الزوج.

تحيا مصر يرصد لكم تصريحات ياسمين عز

وقالت ياسمين عز في برنامجها كلام الناس الذي يعرض عبر قناة أم بي سي مصر: بالنسبة للفيديو بتاعي من 2021 وأنا بتكلم عن الزوج وبقول إني هجيب طباخة لجوزي، انا كنت بتكلم بضمير الغايب ودي حاجة في الإعلام اسمها الحديث بضمير الغايب.

ياسمين عز: بقيت استاذة ورئيسة قسم في عمل البط بالبرتقال

وتابعت: من سنه مكنتش بعرف اقور كوسه أو احشي محشي، والإنسان لازم يتعلم من اخطائه وبقيت أعرف أعمل محشي وبعرف أعمل البط بالبرتقال وأنا أستاذه ورئيسة قسم فيها.

ياسمين عز: مكنتش مقدرة قيمة الفرعون ولما فهمت ارتاحت وبقيت سعيدة

عن تصريحاتها السابقة بشأن الرجل: في يوم كنت زي ناس كتير ومكنتش مقدرة قيمة الفرعون ولما فهمت ارتاحت وبقيت سعيدة، وأنا قولت في الحلقة أن الراجل من حقه يتجوز أربعة وده شرع ربنا وانتي ليه ختي حتة المحشي وسيبتي أن الراجل يتجوز 4 .

ياسمين عز: أنا امرأة عاملة وعايزة طباخة 

وكان الجمهور قد أعاد فيديو سابق للإعلامية ياسمين عز من حلقاتها في برنامج كلام الناس في العام الماضي، وذلك اثناء استضافتها الدكتور مبروك عطية، وظهرت ياسمين عز وهي تسأل مبروك عطية عن وجبته المفضلة، فأجابها: "المحشي، لأنه الحاجة الوحيدة اللي تشبعني، تاكلي ست صوابع في دقيقة، بدلا من التقطيع والأكل والعيش، بتعرفي تعمليه؟"، فأجابته: "لا باكله بس"، ليرد عليها: "إن شاء الله تعرفي تعمليه، لما بيتعلموه على كبر بيجيدوه أكتر لأنه بيبقى فيه رغبة، إن شاء الله ربنا يرزقك بابن الحلال ويقول لك أنا عايز محشي هتتعمليه في دقيقة واحدة، محبة فيه".

وردت عليه ياسمين عز قائلة: "ما أجيب له طباخة تعمل له المحشي:"، فأجابها: "ولما المرتب يقل"، فأجابته: ما أنا ممكن أكون حباه يكون مقتدر،  أنا عايزة طباخة، أنا امرأة عاملة بشتغل، ارجع اقور محشي و كوسة.