مدحت صالح: أنا بره أي مقارنة وعمرو دياب متألق وعنده أصرار

تحدث الفنان مدحت صالح عن أسرار في حياتها الشخصية، كما كشف مدحت صالح أنه لا ينشغل بأي مقارنات مع الفنانين.
تحيا مصر يرصد لكم تصريحات مدحت صالح

وقال مدحت صالح خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: أنا سندي الوحيد في الدنيا ربنا واسرتي الصغيرة وعمر ما ضهري اتكسر والسند في اللي حواليا مش في الفلوس.

وتابع: الفلوس اهميتها انها تتصرف وتتبسط وانت بتصرفها ولو قعدت معاك كتير وجيتي تشمي ريحتها هتلاقي ريحتها وحشه.

وكشف مدحت صالح: أنا أثاثرت نفسيًا بوفاة أمي و أبويا والفنان وائل نور ونفسيتي أتاثرت جدًا.

وتحدث مدحت صالح عن والدته وقال: احساسي بأمي أغلى من 100 بكا وفقدنها خلاني ابقى خايف من الدنيا.

كما تحدث مدحت صالح عن الحب وقال: مش مؤمن بكلمة ما الحب الا للحبيب الاول وأحنا صغيرين بيبقى ليها طعم وبتفهم الدنيا صح لما تكبر ونظرتك للحياة بتتغير.

مدحت صالح: بحب أدلع مراتي بس أنا بحب أتدلع أكتر ودي أنانية بس مراتي جميلة بكل المعاني

كما تحدث مدحت صالح عن زوجته وقال: بحب أدلع مراتي بس أنا بحب أتدلع أكتر ودي أنانية بس مراتي جميلة بكل المعاني.

وكشف مدحت صالح أنه لا يُفضل أن يكون في مقارنة مع أي فنان، وقال: بعتبر نفسي بره مدرسة الترتيب والالقاب ومش بحب التصنيف والترتيب لانه شئ مؤذي نفسيًا  ودي فكرة غلط.

مدحت صالح: أنا بره أي مقارنه مع فنان وبحب استمتع بحياتي

وتابع: أنا طول عمري بره أي مقارنة ومش هدفي في الحياة وبحب استمتع بحياتي وبفكر في الاشياء ومش الافراد عشان أنجح أكتر ومتعتي في الحياة أني أغني من غير ما يحصل أي تشابك بيني وبين أي حد.

كما تحدث مدحت صالح عن نجاح الهضبة عمرو دياب  خلال الفترة الماضية وعلى الرغم من وجود عدد كبير من المنافسين وقال مدحت صالح: عمرو دياب متألق وناجح وعنده أصرار وده ميضايقش حد ويضايق الناس اللي قلوبها مريضة.