محمد ثروت: الأمهات بيكون عليها ضغط كبير ودور الزوج إنه يدلع

كشف الفنان محمد ثروت عن رأيه في العلاقة بين الرجل والمرأة، مشيرا إلى أن الأمهات تتعرض لضغط كبير على مدار يومها.

تحيا مصر يرصد في ذلك التقرير تصريحات محمد ثروت في برنامج معكم 

محمد ثروت في برنامج معكم منى الشاذلي

وقال محمد ثروت خلال حلوله ضيف على برنامج معكم، الذي تقدمه الإعلامية منى الشاذلي على قناة cbc: الأمهات والستات بيكون عليهم ضغط كبير جدا..  ودور الزوج إنه يدلع  ويشيل شوية ويلطف والعلاقة أما تبقى تعاونية بتكون حلو ولازم الطرف الأول يكون مقدر مجهود وتعب الطرف التاني.

وعن طفولته: فقال: أمي كانت بتصحى الساعة 7 الصبح وتصحيني أروح المدرسة مكنش فيه حاجة اسمها أكسل، والتعليم القديم بتاعنا لو معلمتش الواجب خد 5 عصيان بس كنا بنحفظ شوية وبنتعامل كويس لكن العيال دلوقتي في رفاهية.

يسرا اللوزي: الحياة بقت صعبة ليه نعمل لولدنا الأكل في اللانش بوكس

وقاطعته يسرا اللوزي في الحديث، قائلة: ماله كيس السندوتشات وواحدة شمعدان وبيت عصير وخلصت اي اللانش بوكس ده، فكرة الانش بوكس واشكالها وألوانها خلت الحياة بقت أصعب.

وسبق، وأن تحدث محمد الرشيدي خلال البرنامج عن المعاناة التي تتعرض لها المرأة بسبب جروب الأمهات على مواقع التواصل الإجتماعي لـ مراقبة أبنائهم في المدارس، اذ قال: أول انطباع بنشوف فيها الستات في الوضع ده انهم فاضيين جدا ومبالغين فيهم، لكن بعد كدة أما عيشت شوية لقيتهم بيعملوا كمية حاجات رهيبة.

محمد الرشيدي عن فكرة مسلسل جروب الماميز: كنا عايزين نركز على الستات التعبانة

وأضاف: بيقولوا عن الستات نكدية اعمل نص اللي هي بتعمله ووريني حالتك هتبقى عاملة ازاي.. كمية الحاجات اليومية اللي بيعمولها دي دي ناس خارقة للطبيعة 

وتطرق بحديثه عن موقف طريف شاهده لـ أحد الأمهات، فقال: كنت في المدرية وشوفت أم الرأكشن بتاعها كان بيقول ان ابنها أكيد حصله حاجة، طلع أنه ناقص نص درجة في امتحان الشهر.

وعن فكرته في عمل فني يرصد مشكلات جروبات الماميز، فقال: كنا عايزين نعمل سبوت على الستات التعبانة جدا.