تامر عاشور يتصدر تريند يوتيوب بأحدث أغانيه "بحبك وخايف" | فيديو

تصدر المطرب تامر عاشور تريند موقع الفيديوهات يوتيوب، وذلك بعد طرح برومو أحدث أعماله الغنائية بعنوان “بحبك وخايف” عبر قناته الرسمية. 

تحيا مصر يرصد لكم تفاصيل تصدر تامر عاشور التريند 

تامر عاشور وأغنية بحبك وخايف

وحقق البرومو حوالي 152 الف مشاهدة، بعد طرحه بثلاثة أيام فقط، نظرًا لشعبيته الواسعة. 

واستحوذ على تريند رقم 16 بموقع الفيديوهات الشهير يوتيوب.

كلمات أغنية بحبك وخايف 

وتقول كلمات الأغنية: 

بحبك وخايف نقرب
نضيع بحبك وعارف
بإنه استحالة
بحبك وآسف
خدتني الجلالة
أنا وأنت حالة
رفضها الجميع! 
بحبك بقولها
وجوايا حرب بقولها في ضميري 
أجي أنطقها صعب
ده موقف مصيري
بيعملي رُعب شوفها في عنيا
في رعشة إيديا هتلاقيها حية
في قلبي الخجول
طب اقرأ الرسايل
هتلاقيني قايل بإني بحبك
ما بين السطور
دي واضحة في كلامي
وباينة في سلامي
يا كل اهتمامي
وأكبر همومي
بخاف يوم ما أقولها متلعبش دورها
تموت من جذورها وأموت من ظنوني
بحبك وساكت
مبجيبش سيرة بحبك وفاهم
دي كلمة تقيلة ولو حتى هي
تبانلك عادية 
شوفها بعنيا
تبان مستحيلة.

تصريحات تامر عاشور

وسبق وكشف الفنان تامر عاشور عن بدايه تعاونه مع الفنان بهاء سلطان وتلحين الأغاني له، موضحًا أنه قام بلحينها قبل 3 سنوات من عرضها على بهاء سلطان، وقال تامر عاشور خلال استضافته في برنامج أنغام التي تقدمه الفنانة أنغام ويعرض عبر قناة دي أم سي: لحنت قلبك يا حول الله من قبل ما اعرف بهاء وقبل ما اعرف اني بلحن وكنت بجرب نفسي كملحن مع الشاعر بهاء عبده و اشتغلت فيها كتير جدًا وبعدها بتلت سنين اتعرفت على بهاء وسمعته الأغنية ووقتها مكنش ليا علاقة بيه أو بالوسط وكنت مع نفسي وكنت خبيث وعفريت قبل الوسط الفني.

تامر عاشور: مش بعرف افصل الأغاني على صوت حد

وكشف تامر عاشور: أنا مش بفصل الأغنية لحد واي اغنية مش بعملها لحد معين والموضوع بدء يروح للغناء بقيت اعمال الاغاني واشيلها ومش بقرر الاغنية تروح لحد الا حاجات بسيطة ومن ضمن الاغاني دي ياريتك فاهمني ومش بعرف افصل الاغنية على الصوت انا بعتبر اني لما بفصل حاجه لأنغام بحس اني كده معملتش حاجه جديد لانغام، لأن في النهاية لما يبقى في اغاني كتير معموله يبقى منطفة صوت انغام او اي فنان بيقى في مكانه جديدة بحب اطلع حاجه جديدة، وفي الحان بيبقى فيها جمل كبيرة ممكن تليق ع حد وساعات بلاقي اغاني مش بتليق عليا.