مدحت صالح: مش بحب أشارك في برامج المسابقات ومطربي المهرجانات بيتحسنوا

كشف الفنان مدحت صالح عن سبب رفضها خوض تجربة المشاركة في برنامج مسابقاة كعضو لجنة تحكيم، كما تحدث عن بعض الأمور في مشواره الفني.

تحيا مصر يرصد لكم تصريحات مدحت صالح

وقال مدحت صالح خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: مش بحب اصدر أحكام على حد وأنا محتاج اللي يقيمني مش أنا اللي أقيم حد وبخاف أظلم حد يكون صوته كويس واكسر بخاطره.

مدحت صالح: ربنا مديني فلوس كتير

وتابع: لو اتعرض عليا بفلوس كتير برضو مش هوافق لأني بخاف عشان ابقى ظلمت حد وانا ربنا مديني فلوس كتير وانا بخاف أظلم حد وساعات بنحس أن ده كويس ويصعب عليا يتكسر بخاطره.

وتحدث عن إنتاجه لنفسه الأغاني وقال: أنا بنتج لنفسي من أول ما بدأت والإنتاج مش جديد عليا وعندي القدرة أنتج لنفسي ومش بحب حد يقولي غني إيه أنا بحب اختار الأغاني بتاعتي.

مدحت صالح: لو كنت مسئول في الأوبرا كنت هخلي المطرب النقاش يغني مع أصالة 

كما تحدث عن أزمة المطرب النقاش ومنعه من الغناء مع أصالة على مسرح الأوبرا وقال: لو كنت مسئول في الأوبرا كنت هخلي المطرب النقاش يغني مع أصالة ونفسي كل المواهب تطلع على مسرح الأوبرا وتسعدنا، بس لازم نجهزهم كويس.
وكشف مدحت صالح: أكتر حاجه بحبها الوحدة لأني ببقى مع نفسي مش ببقى لوحدي وبحب انفرد بنفسي، ولما بحضر لعمل ببقى لوحدي.

كما تحدث صالح عن نجاح أغانيه في تترات المسلسلات وقال: في تترات نجحت أوي وبيبقى من حُسن حظي أن الاعمال بتبقى بطولة نجوم وبشتغل مع ملحنين كويسين.

وكشف: موضة اصدار الاغنية السينجل ضيع الرؤية الموسيقية والظروف هي اللي فرضت علينا لأن مبقاش في سيديهات. 

وتابع: لو بتعملي البوم بنزل تراك ومش بنزل الـ 8 تراك مرة واحدة، ولازم الجمهور يستقبل كل تراك لوحده ويسمعه.

كما تحدث عن مكاسب الأغاني وقال: مش مشاهدات اليوتيوب بس اللي بتبقى مكسب لينا في نوافذ تانية  وفي حوالي أكتر من 27 منفذ بنكسب منهم.

مدحت صالح: عملت أغنية مهرجانات ومغنتهاش في الحفلات

كما تحدث مدحت صالح عن الأغاني الشعبية وأغاني المهرجانات وقال: عملت أغنية مهرجانات اسمها ده إيه ده وعملتها بالشكل اللي بحبه وجبت شباب موهوبين واخترت كلام بشكل معين وعملولي لحن وعملته من خلال وجهة نظري.

وأضاف:  أنا بحب مطربي المهرجانات ولما بيتوجهوا بيعملوا حاجة كويسة وأنا جبت مطربي مهرجانات عندي في المكتب وقولتلهم احنا بنتسمع في بيوت واسر والاطفال شديدة التأثر، ولازم ناخد بالنا من الكلمة، وهما بيتحسنوا وبيقدموا أعمال بعيدة عن التدني.