منى فاروق لتحيا مصر: عايزة أشتغل في مصر وأخدم بلدي وأنا مش بشحت من حد

كشفت الفنانة منى فاروق أنها تعمل خارج البلاد ولكنها تريد أن تعود للتمثيل مرة أخرى في بلدها مصر، وأن تقوم بخدمة بلدها مرة أخرى.

تحيا مصر يرصد لكم تصريحات منى فاروق

وقالت منى فاوق في تصريحات لموقع تحيا مصر: أنا بشتغل بره مصر وبشتغل في لبنان ودبي بس أنا عايزة اشتغل في بلدي مصر وملهاش علاقة بالماديات.

منى فاروق: أنا عايزة أخدم بلدي

وتابعت:أنا عايزة أخدم بلدي وعايزة أرجع أعمل أدوار تاني في مصر أنا بحب بلدي وبحب شعبها ورئيسها ونفسي ابقى موجودة.

وكشفت منى أنه أذا عُرض عليها عمل بمقابل مادي قليل ستوافق عليه قائلة: هعمله عشان هرجع احسن من الأول والمشوار مش بيطلع مرة واحده لا هرجع واحده واحدة وأنا رجعت شوية وهحاول مضايقش نفسي واتقبل الدور لأني يمكن مش شايفة مقامي فيه بس دلوقتي هوافق اعمله عشان بعدين يبقى في الاحسن.

منى فاروق: أنا مش بشحت من حد بس اللي شايفني موهوبة وشاطرة فنيًا يشغلني

وتابعت منى فاروق: أنا بحب الشغل نفسه وبحب التصوير وأنا مش بشحت حاجة من حد واللي شايفني موهوبة وشاطرة فنيًا ياريت تشغلني.

وتحدثت منى عن بعض الأمور في حياتها وقالت: أنا أغلب خلق الله وبنت مصرية بسيطة واتولدت في السيدة زينب وكبرت شوية وكنت عايشة مع أهلي في المهندسين وبعدين ارتبطت واتجوزت ومكنتش كبيرة بشكل كافي.

وأضافت: ساعات بنختار أوقات غلط وبعدين بنرجع نصحح اخطائنا عشان احنا لسه بنتعلم وهنفضل نتعلم وفقدت ابويا وانا صغيرة وقولت اشتغل عشان انا بحب شغلي وبدأت من الصفر.

واستكملت منى: كنت بحب كل الناس وكنت الراعي الراسمي لاعياد الميلاد ولو كان اي حد عنده مناسبة كنت بجمعهم حتى لو مش معانا فلوس نجمع من بعض، وأنا وجشني صحابي جدًا.

وقالت منى فاروق لمنتقديها عن طريق تحيا مصر: انا يا جماعة عايزة انجح، احكموا عليا من شغلي والشاشة، متحكموش عليا من حياتي الشخصية ومتظلمونيش، ومستاهلش الظلم عشان كلنا بنغلط وبنرجع لربنا.

منى فاروق وأزمتها الأخيرة

واستكملت منى فاروق حديثها خلال نفس اللقاء عن أزمتها الأخيرة، قائلة: هي ابتلاء كبير واللي ربنا بيحبه بيبتليه، وقولت اني كان في جواز في الفترة دي، بس أنا اتعرضت لظلم كبير وجلد وناس جرحت فيا وفي أهلي، وحكموا عليا بالإعدام وأنا على وش الدنيا، وحسبي الله ونعم الوكيل في كل إنسان ظلمني.