منى فاروق توجه رسالة لمنتقديها: احكموا عليا من شغلي.. مستاهلش الظلم

حلت الفنانة منى فاروق ضيفة استوديو تحيا مصر، وكشفت العديد من التفاصيل على أزمتها الأخيرة، كما وجهت رسالة لمنتقديها. 

تحيا مصر يرصد لكم رسالة منى فاروق لـ منتقديها 

منى فاروق: احكموا عليا من شغلي 

وقالت منى فاروق لمنتقديها عن طريق تحيا مصر: انا يا جماعة عايزة انجح، احكموا عليا من شغلي والشاشة، متحكموش عليا من حياتي الشخصية ومتظلمونيش، ومستاهلش الظلم عشان كلنا بنغلط وبنرجع لربنا.

منى فاروق وأزمتها الأخيرة

واستكملت منى فاروق حديثها خلال نفس اللقاء عن أزمتها الأخيرة، قائلة: هي ابتلاء كبير واللي ربنا بيحبه بيبتليه، وقولت اني كان في جواز في الفترة دي، بس أنا اتعرضت لظلم كبير وجلد وناس جرحت فيا وفي أهلي، وحكموا عليا بالإعدام وأنا على وش الدنيا، وحسبي الله ونعم الوكيل في كل إنسان ظلمني.

وتابعت: لما بشتغل بتبقى كل حاجة تمام، واللي مخليني مبشتغلش الابتلاء اللي اتعرضلته وحسيت إني منبوذة وده أثر فيا جدًا، وتعبت نفسيًا إني بعافر مع الدنيا، وربنا بيقويني إني اشتغل وعايزة اقف على رجلي.

منى فاروق: بحاول اقف على رجلي 

وقالت منى فاروق لـ تحيا مصر: بحاول لحد النهارده اخرج من الإبتلاء، وبقالي ٤ سنين متعايشة معاه، وبحاول اتعافى وابقى موجودة، والحاجات مع السنين بتمر وبتتنسي، وبحاول ارجع اشتغل وانجح واقف على رجلي، وهفضل احاول.

كما كشفت الفنانة العديد من التفاصيل على أزمتها الأخيرة، كما وجهت رسالة لمنتقديها، قائلة: انا يا جماعة عايزة انجح، احكموا عليا من شغلي والشاشة، متحكموش عليا من حياتي الشخصية ومتظلمونيش، ومستاهلش الظلم عشان كلنا بنغلط وبنرجع لربنا.

منى فاروق تؤدي مناسك العمرة 

على الصعيد الآخر، أدت الفنانة الشابة مني فاروق، مناسك العمرة بالمسجد الحرام فى مكة المكرمة، حيث ظهرت مرتدية الحجاب وملابس الإحرام البيضاء.
ونشرت منى، عبر حسابها على إنستجرام، لقطات من تواجدها أمام الكعبة المشرفة فى المسجد الحرام، وهى تدعى وتناجى الله بكل خشوع، وتفاعل مع الصور عدد من جمهورها ومتابعيها.

وفيما انتقد بعض المتابعين مقطع الفيديو، واعتبر أن ذلك البكاء والتضرع يتناقض مع صور وأدوار الفنانة المصرية الجريئة، فإن زميلتها بدرية طلبة، انبرت للدفاع عن زميلتها، وردت على متابع قائلة: "ممكن تقول لها ربنا يتقبل لكن اللي زيك الحقد عامي عينه".