عميل بنك مصر يشكو: "بنتسرق عيني عينك"

اشتكى عميل بنك مصر من سوء الخدمات المقدمة، مشيرًا إلى تعرضه للسرقة وعدم إفادة خدمة عملاء بنك مصر أو مساعدته في حال المشكلة، وينشر تحيا مصر التفاصيل والحوار الدائر بينه وبين أحدي عملاء بنك مصر.

لماذا قرر بنك مصر إيقاف شهادات الـ 25% ؟.. الدماطي تجيب

بنك مصر يعلن آخر موعد لإصدار شهادة 25%

 عملاء بنك مصر

قال أحد عملاء بنك مصر في تعليق عبر صفحته الشخصية موقع "فيسبوك"،: "إحنا كلنا بنتسرق عيني عينك، فأقرا البوست ده وخلي بالك لأن اللي بيسرق منك المرة دي هو البنك".

وأضاف: "اختصاراً اللي حصل إن انا دفعت فاتورة الفندق في اسطنبول بالكارت من ماكينة ال pos يوم ٧ يناير وتم خصم مبلغ ٣٩ ألف وشوية وسمع عندي في الاونلاين يوم ١٠ يناير (زي ما واضح في الصورة) ".

واستكمل: "التعويم الأخير للدولار كان يوم ١١ يناير، يقوم البنك يعمل إيه بقى، يرجعلي المبلغ القديم في حسابي مرة تانية يوم ١٥ يناير ويرجع يخصم مني المبلغ بالسعر الجديد ، ويخلي رصيدي بالسالب".

خدمة عملاء بنك مصر

وأفاد إنه أجري اتصالاً مع خدمة عملاء بنك مصر موضحًا: "اتصلت بخدمة العملاء ردت عليا واحدة أقل ما يقال أنها مش فاهمة حاجة اساساً بقولها اللي حصل تقولي لأ ده الفندق هو اللي ردلك الفلوس وهو اللي رجع خصمها تاني .. أقولها ازاي يعملها منه لنفسه، تقولي معاه بيانات الكارت، اقولها يافندم ازاي يعني معاه البيانات تقولي ما تلاقيك اديته الرقم السري، بقولها ده انا لو رايح اشتري من كشك بدخل الرقم انا بنفسي انتي إزاي بتفترضي منك لنفسك حاجة زي دي".

بنك مصر

واستكمل: "ترد تقولي ايه بقى ما هي ملهاش حل تاني اومال ازاي يعني، بقولها ياستي انا اللي متصل اسألك ، تقولي هو كده، أقولها طيب اديني أي تييم ليدر أكلمه ، تقولي انا رجعتله وهو بيقولك نفس الكلام".

وعلق: "قولتلها طيب همشي معاكي للاخر وهصدق ان الفندق عمل كده ، مش انتي ظاهر عندك ان المبلغ ده بالمصري هو قيمة ٢٥ ألف ليرة تركي، قالتلي اه، قولتلها طيب قوليلي المبلغ التاني بالليرة التركي اللي التاجر خصمه اللي بيعادل ٤٤ ألف ده كان كام، تقولي مش ظاهر عندي".

واختتم: "أنا أعمل إيه يعني وبتكلمني بحدة وكأن انا اللي غلطان وحمار مش فاهم ومستغربة أوي إني مش مقتنع البنت اللي ردت عليا اسمها زينب والمكالمة موجودة ومسجلة عشان لو بقول كلمة واحدة غلط محصلتش اتحاسب عليها".