بعد تصريحات والدها.. ابنة عمرو محمد علي: مش مسامحة في كل كلمة باطل اتقالت في حق مامتي

خرجت ابنة الفنان عمرو محمد علي لترد لأول مرة على تصريحات والدها عنها وعن والدتها والتي اتهمهم فيها بإهمالهم له بعد فترة مرضه.

تحيا مصر يرصد في ذلك التقرير تصريحات ابنة عمرو محمد علي 

ابنة عمرو محمد علي: بقالي كتير ساكتة وقولت لمامتي ما نتكلمش في

قالت ابنة عمرو محمد علي في فيديو عبر حسابها الرسمي بموقع التواصل الإجتماعي “فيسبوك”: بقالي كتير ساكتة وقلت لمامتي ما نتكلمش في حاجة، علشان حياتنا الخاصة ما حدش يعرف عنها حاجة، ولكن بصراحة زاد أوي، أنا اسمي شهد عمرو محمد علي معظم الناس ما تعرفش مين شهد لأنه بالنسبة لي اسم في البطاقة.

ابنة عمرو محمد علي: أمي بتصرف عليا لحد تانية جامعة

وتابعت: مش هتكلم إنه قال عني جاحدة لأنه في الأول والآخر بابايا وبتمنى له الشفا، وماحدش يحكم على حد وهو ما يعرفش القصة كاملة، ماحدش عارف هي عملت إيه وإيه حصل بينهم أدى لانفصالهم، محدش يعرف هي عملت إيه عشاني 20 سنة بتصرف عليا لبسي وحضنتي لحد تانية جامعة وعملت عشاني كتير أوي وما أستحملش أسمع عنها نص كلمة وماحدش عارف الحكاية.

ابنة عمرو محمد علي: مش مسامحة في كل كلمة باطل اتقالت في حق مامتي

وأضافت: حرام أكون طول ما أنا ماشية اشوف في الصفحات الست اللي سابت جوزها.. ليه الناس بتحكم على حد من طرف واحد، وعلشان ما أطولش عليكم الست دي بطلة عملت كل حاجة في الحياة عشاني عشان ابقى اإنسانة متعلمة.. وكفاية تحكموا على حد وانتم ما تعرفوش القصة، ورسالة لوالدي بدعي له بالشفا ده أبويا مهما كان أما أهلي أنا آسفة مش مسامحة في كل كلمة باطل اتقالت في حق مامتي.

تصريحات عمرو محمد علي عن ابنته وزوجته

وكان قد قال عمرو محمد علي في تصريحات تليفزيونية: أنا طلقت أم بنتي علشان مظلمها ويمكن ده هروب وأنا كنت بحبها أوي ومرضيتش أتعبها معايا كان هيبقى صعب عليا، وأضاف شقيقه موجها حديثه له: قول الحقيقة يا عمرو أن زوجتك هي اللي تخلت عنك بعد مرضك ومتحملتش مرضك.

وتابع عمرو حديثه: أنا متكفل بمصروف بنتي لحد دلوقتي وللأسف بتيجى تاخد مصروفها  وتمشي ومش بتزورني، وأنا قولت لبنتي أنتِ جاحدة وداين تدان.