تامر عاشور يطرح برومو أغنية بحبك وخايف| فيديو

طرح الفنان تامر عاشور البرومو الدعائي لأغنيته الجديدة التي تحمل اسم بحبك وخايف، والتي من المقرر طرحها قريبًا عبر قناته بموقع الفيديوهات الشهير يوتيوب.

تحيا مصر يرصد لكم برومو أغنية بحبك وخايف

ونشر تامر عاشور البرومو الدعائي للأغنية عبر حسابه بموقع تبادل الصور والفيديوهات انستجرام وعلق عليه: بحبك وخايف قريبًا.

وتقول كلمات الأغنية بحبك وخايف نقرب نضيع.. بحبك وعارف بأنة استحالة.. بحبك وآسف خدتني الجلالة أنا وأنت حالة رفضها الجميع.

حفل تامر عاشور

وسبق وتألق تامر عاشور في حفل جامعة الدلتا، والذي شهد حضور جماهيري كبير، وأعرب عاشور عن سعادته بالحفل وكتب عبر حسابه بموقع تبادل الصور والفيديوهات انستجرام وعلق: تشرفت بوجودي إمبارح في جامعة الدلتا، وفعلا مش هتكلم على عدد الجمهور، هضرب أرقام في الهوا، ولا هقول نص مليون ولا مليون ولا الكلام ده، بس هقولكم بصوا على الصورة أبلغ من أي أرقام تكون مش صحيحة دول الجمهور اللي بشكرهم واحد واحد - وبشكر إدارة جامعة الدلتا.

تصريحات تامر عاشور

وسبق وحل تامر عاشور ضيفًا على برنامج أنغام والتي تقدمه الفنانة أنغام ويعرض عبر قناة دي أم سي، وتحدث عاشور عن بدايته الفنية، وعن تقديمه العديد من الألحان وقالت:مندمتش على أي لحن قدمته، ومش بتدخل في شغل حد وأنا بعمل أغنياتي.

وروي تامر عاشور تفاصيل أول ظهور له على المسرح، فقال: أول مرة ليا على المسرح كان ألبوم لـ محمد فؤاد، وغنيت كلموها عني بس، وكان الجمهور كبير جدا وفي تجاوب من الجمهور، وكنت خايف جدا وبرتعش ولحد دلوقتي رجلي بترتعش أما بشوف الناس، و قعدت سنتين بلحن مكنش ناس كتير تعرفني.

وعن علاقته بالكلية، قال: التخصص بتاعي ناي واترفدت في الكلية، قعدت 3 سنين في اعدادي، وكنت بروح أقعد في الكلية في الحوش

 وأضاف عاشور:كنت بشتغل كموسيقي ولما كنت عازف مكنتش بحلم ابقى مُغني وحتى لما غنيت والأغاني نزلت مكنش حلمي ابقى مغني، و أنا حلمي كنت ألحن وانا بقيت شاطر على المسرح بس مكنتش كده وكنت عادي زي اي حد يطلع مكنش عندي حته الطموح اني اغني.

تامر عاشور: وأنا عندي 7 سنين بعت العجلة بتاعتي واشتريت اورج

وكشف تامر عاشور: لما كان عندي 7 سنين كنت ببيع اللعب واشتري الالات ومرة بعت العجلة بتاعتي وكانت بـ 320 جنيه وجبت مكانها اورج واهلي كانوا بيشحعوني وامي كانت بتشجعني واهلي واهل أمي كانوا معايا وكانوا بيحبوني ومدلعني ومفيش حد فيهم كان ليه في المزيكا خالص.