ياسمين عز توجه نصائح للسيدات: قيسي وحدة مقياس الجوع عند فرعونك لو قالك جعان

وجهت الإعلامية ياسمين عز عدة نصائح للسيدات وذلك من خلال برنامجها كلام الناس الذي يعرض عبر قناة ام بي سي مصر.

تحيا مصر يرصد لكم نصائح ياسمين عز للسيدات

ياسمين عز: قيسي وحدة جوع فرعونك

وقالت ياسمين عز: لو فرعونك قالك انا جعان متقوليش هروح أجبلك تاكل عشان انتي مش مهتمة بتفاصيله، قيسي وحدة الجوع عند فرعونك وتاج راسك.

وتابعت: لو نسبة جوعه أقل من 50 % اعمليله سندوتش جبنه وكوبايه شاي عشان متسديش نفسه قبل الغدا، لو 50 % تحطيله طبق سلطة أو تونه وبطاطس محمرة عشان نأهل معدة الفرعون قبل الغدا، لو فوق الـ 50% تجري تحطيله الغدا البطة بالبرتقال او البانية والمكرونه

واستكملت: لو عدت 100 % لازم نشوف حل معاكي لازم نكلم ابوكي عشان انتي مجوعه جوزك.

كما تحدثت ياسمين عز عن الانتقادات التي وجهت إليها بشأن تصريحاتها الاخيرة وقالت:  لما قولت قولي لجوزك يا أستاذ محمد بالتنعيم الشتوي مكنتش بهزر ومش هتراجع عن كلامي واللي خد كلامي بهزار براحته.

ياسمين عز: كتاف وكيان وعيون الراجل بالدنيا

وأضافت ياسمين: اللي قالت حس الراجل بالدنيا كانت متخانقه مع جوزها ومش طايقاه عشان كيان الراجل بالدنيا مش حسه بس، و كتاف الراجل وكيانه وعيونه وصوته وتعبه وكل الحاجات المحترمه للراجل بالدنيا كلها.

ياسمين عز: لو انت بتشتغلي سيبي وظيفتك على باب البيت

وسبق ووجهت ياسمين عدة نصائح للسيدات التي تعمل وقالت: أي ست متجوزة راجل محترم لو انتي بتشتغلي برة مديرة بتسيبي وظيفتك برة باب البيت وتدخلي البيت زوجة، انتي مش أعلى من جوزك حبيبك وهو والبيت ملهوش دعوة.. لو انت من عيلة غنية وهو من عيلة متوسطة اوعي تتنقعري عليه، دي موضة دي مسمعمناش بيها من أيام جدتنا، خدتيه من الأول ليه، و فروعنا المصري مفيش زيه في العالم، انتي في مجتمع الراجل طلع واتربى مفيش ست تدفع وأنا قاعد.

وتحدثت ياسمين عز عن الغزل المطبخي، فقالت: فيه دراسة اتعملت في كندا عن حاجة صحية في الجسم المرأة اذا تناولت معلقة عسل يوميا كفيلة انها تبعدك عن الطبيب مابالك انت جنبك برطمان العسل.. مصدر النحل عند ربنا خلقلنا الزوج والسكن والمودة والرحمة، و أما تغازلي جوزك ابتكري بنصحك بالغزل المطبخي زي انك تعمليله كيكة برتقان ولوبيناولك كوباية الشاي ويسألك عن السكر قوليله كفاية ان انت لمستها بايديك يحبيبي.. بلاش تعملي لجوزك التقليعات الجديدة بلاش كيكة العجل جوزك بيحب كيكة القرص.

واختتمت ياسمين عز حديثها: جوزك اديله نفسك ودهبك وفلوسك ولبسك.. انتو كيان واحد مفيهاش حاجة لو انتي أغنى منه فتديله.